Onyń aiasynda, porttardyń infraqurylymyn damytý sharalarymen qatar, ekonomikalyq aimaqta 2025 jyldyń sońyna deiin konteinerlik hab qurý kózdelgen, dep habarlaidy Mańǵystaý oblysy ákiminiń baspasóz qyzmeti.
Porttardyń ekonomikalyq aimaqqa qosylýy óńirge eleýli áleýmettik-ekonomikalyq áser etedi jáne oblysqa investitsiialar tartý úshin qolaily alańǵa ainaldyryp qana qoimai, iri halyqaralyq kólik dálizderiniń biri bolýyna úles qosady.
Sonymen qatar, porttarǵa álemniń úzdik logistikalyq kompaniialarymen jumys isteýge jol ashady.
Aqtaý teńiz porty - Kaspii teńiziniń soltústik-shyǵys jaǵalaýynda birneshe halyqaralyq kólik dálizderiniń qiylysý núktesinde ornalasqan port. Qurǵaq júkter, munai jáne shiki munai ónimderin shyǵystan batysqa, soltústikten ońtústikke, sondai-aq, Ázirbaijan, Iran, Túrkimenstan, Resei elderine júk tasymaldaityn ailaq.
-«Aqtaý teńiz saýda porty» UK» AQ-nyń «Aqtaý teńiz porty» AEA quramyna qosylýy QR indýstriia jáne infraqurlymdyq damý ministrligi Kólik komitetiniń, Mańǵystaý oblysynyń ákimdigi jáne Aqtaý portynyń bólimsheleri qoldap, birigip iske asyrǵan birqatar bastamalar men is-sharalarynyń qisyndy qorytyndysy boldy.
Sonymen qatar, AEA aýmaǵynyń quramyna Aqtaý portynyń oqshaýlanǵan bólimshesi-Aqtaý qalasynan 150 shaqyrym qashyqtyqta ornalasqan «Baýtino» júk aýdany engizildi, - deidi Aqtaý teńiz saýda portynyń basqarma tóraǵasy Abai Túrikpenbaev.
Quryq portyna toqtalatyn bolsaq, teńiz portynda 4 ailaq jumys isteidi. Onyń ekeýi temir jol arqyly kelgen júkterdi paromǵa tieýge arnalsa, qalǵan ekeýinen kólikter túsiriledi. Porttyń qyzmetin damtyp, júk tasymalyn odan ári arttyrý úshin taǵy bir ailaq salý jumystary júrgizilýde. Ol arqyly salmaǵy aýyr júkter men konteinerler tasymaldanbaq.
Sondai-aq, 2024 jyldan bastap qazaqstandyq paromdardy qabyldaý jospary bar. Bul óz kezeginde Resei jáne Irannyń eki portymen jańa marshrýttardyń ashylýyna túrtki bolmaq.
Qazirgi geosaiasi jaǵdaiǵa bailanysty Quryq portynda júk tasymaly artqan. Máselen, 2023 jyldyń basynan beri munda 550 myń tonnadan astam júk tasymaldanǵan. Bul ótken jyldyń osy kezeńimen salystyrǵanda 2 ese kóp.
-Quryq porty arqyly Bakýge munai, metall, himiialyq ónimder eksporttalyp jatyr. Keibir júkter Qara teńizben ári qarai Eýropaǵa jol tartady. Sonymen qatar, Italiia, Resei men Belarýsiianyń ónimderi bizdiń elimizdiń ózge aimaqtaryna tasymaldanady, - deidi Quryq portynyń direktory Serik Ahmetov.
Qorytyndylai kele, «Aqtaý teńiz porty» AEA aiasynda beriletin artyqshylyqtar porttardy qarjylandyrýǵa baǵyttalatyn bolady,
Olardyń qatarynda Aqtaý portynyń bazasynda konteinerlik hab salý jáne porttardy zamanaýi qaita tieý tehnikasymen tolyq jaraqtandyrý jobasy bar. Sondai-aq, beriletin salyqtyq jeńildikterden bosaǵan qarjy port infraqurlymyn jańǵyrtýǵa jáne porttardyń odan ári damýy úshin investorlardy tiimdi tartýǵa múmkindik beredi.
