ماسەلەن، سارىاعاش اۋدانى اقجار باستاۋىش پارتيا ۇيىمىنا ەلدى مەكەن تۇرعىندارىنان توزىعى جەتكەن ەلەكتر سىمدارىن جاڭارتۋ جونىندە ءوتىنىش كەلىپ ءتۇستى. اۋداندىق ءماسليحات دەپۋتاتى ش.يبراگيموۆ ماسەلەنى اۋداندىق ءماسليحاتتىڭ سەسسياسىندا كوتەرىپ، ناتيجەسىندە اۋداندىق بيۋدجەت ەسەبىنەن ءتيىستى قارجى بولىنگەن. 20 مامىر كۇنى ت.ورىنبايەۆ كوشەسىنىڭ ەلەكتر سىمدارى مەن جارىق شامدارى اۋىستىرىلىپ، تۇرعىندار پارتيا فيليالىنا العىستارىن ءبىلدىردى.
ينفراقۇرىلىم ماسەلەسى تۇلكىباس اۋدانىندا دا كوتەرىلدى. قابانباي اۋىلىنىڭ تۇرعىندارى رەسپۋبليكالىق ماڭىزى بار جولدىڭ استىندا ورنالاسقان مال وتكەلى جانە سۋ وتكەلدەرىن اشۋ تۋرالى شاعىمىن جەتكىزگەن. پارتيا فيليالى جاۋاپتى مەكەمەلەرمەن بايلانىسىپ، ناتيجەسىندە تالاپ-تىلەك ورىندالدى.
ال تولەبي اۋدانىندا جالعىزباستى جانە قاراۋسىز قالعان كيەلىتاس ەلدى مەكەنىنىڭ تۇرعىنىنا مەديسينالىق كومەك كورسەتىلگەن. ا.گولوۆكونىڭ ەكى كوزى دە كورۋ مۇمكىندىگىنەن ايىرىلعان. اۋداندىق ءماسليحات دەپۋتاتى د.وماروۆ ءوز قاراجاتى ەسەبىنەن 3 رەت ايماقتىق دياگنوستيكاعا تەكسەرتۋگە ىقپال ەتتى.
ءتيىستى مۇگەدەكتىك قۇجاتى بولماۋىنا بايلانىستى مەملەكەتتىك جاردەماقىنى قالىس قالعان. دەپۋتات قۇجاتتاندىرۋ ماسەلەسىنە دە ارالاسىپ، ءوتىنىش يەسى ءى توپتاعى مۇمكىندىگى شەكتەۋلى ازامات رەتىندە ءتيىستى جاردەماقىعا قول جەتكىزدى.
مۇنان وزگە پارتيا تاراپىنان جەرگىلىكتى تۇرعىنداردى تۇراقتى جۇمىسپەن قامتۋ، اقىلى قوعامدىق جۇمىسقا ورنالاستىرۋ، زاڭگەرلىك كەڭەس، ازىق-تۇلىك ۇلەستىرۋ، مەديسينالىق جانە الەۋمەتتىك كومەكتەر ۇيىمداستىرىلىپ كەلەدى. پارتيا فيليالدارىنا كەلىپ تۇسەتىن وتىنىشتەردىڭ ءارالۋاندىعىنا بايلانىستى ولار شەشۋ كەزەڭدەرى مەن دەڭگەيگە بولىنەدى. ءبىرى اۋداندىق دەڭگەيدە ورىندالسا، ەندى ءبىرى وبلىستىق ءتىپتى رەسپۋبليكالىق قولداۋدى قاجەت ەتەدى. اتاپ وتەرلىك، جىل باسىنان بەرى پارتيا فيليالدارىندا 6900-دەن استام ءوتىنىش تىركەلىپ، 3100-دەيى وڭتايلى شەشىلگەن. قالعان 3800-گە جۋىعىنا زاڭ اياسىندا تۇسىندىرمەلەر جۇرگىزىلگەن. 60-تاي تالاپ-تىلەكتىڭ ءالى قارالۋ مەرزىمى بار.
