"نەگىزى ەشتەڭە ىستەمەيمىز. قازاقستانعا سالىناتىن "پوشلينادان" بىزگە ىستىق تا ەمەس، سۋىق تا ەمەس. ءبىز اقش-قا جىبەرەتىن 2 ميلليارد دوللارلىق ەكسپورتتىڭ 92 پايىزى شيكىزات - ۋران، مۇناي، فەرروقورىتپالار. ال ولار باج سالىعىنا ىلىنبەيدى. ەندەشە، قانداي تاۋارلارعا 27 پايىزدىق باج سالىعى سالىنادى؟ ارنايى كەلىسىم بويىنشا سالىق رەجيمى بەلگىلەنگەن تاۋاردىڭ بارىنە. ال ولاردىڭ ەكسپورتتاعى ۇلەسى 2024 جىلى 95،2 ميلليون دوللاردى قۇراعان. ەندى قاراڭىز، قازاقستان مەن اقش اراسىنداعى تاۋار اينالىمى 4،2 ميلليارد دوللاردى قۇرايدى. سونىڭ 2،2 ميللياردى - يمپورتتالاتىن تاۋار. ال 2 ميللياردى - ەكسپورت. دەمەك، 95 ميلليون دەگەنىڭ 5 پايىزعا دا جەتپەيدى. 2024 جىلى قازاقستان مەن اقش اراسىنداعى تاۋار اينالىمى ءوسىپ، ءبىزدىڭ ەكسپورت كولەمى 30 پايىزعا ۇلعايدى. بۇل – جاقسى كورسەتكىش. دەمەك، جىلدان-جىلعا مۇحيتتىڭ ارعى بەتىنەن اكەلەتىن تاۋارلارىمىزعا قاراعاندا، ساتاتىن دۇنيەمىز كوبەيىپ كەلەدى دەگەن ءسوز. وسىنى جالعاستىرا بەرۋ كەرەك"، دەپ جازادى ول Facebook-تە.

"ەڭ باستى ءقاۋىپ - مۇناي باعاسىنىڭ باررەلىنە 65 دوللاردان تومەن قۇلاپ كەتۋى. بۇل ۇلتتىق قور تۇسىمىنە ۇلكەن سوققى بولادى. سول ۇلتتىق قورىمىز ەكىنشى بەتىنە دە سوققى الۋى مۇمكىن. جەتەكشى بيرجالاردىڭ يندەكستەرى قىزىل زوناعا كىرىپ، ءىرى كومپانيالار اكسيالارى ارزانداي باستايدى دەگەن كۇدىك كۇشەيىپ كەلەدى. وندا ۇلتتىق قوردىڭ اكسيالاردا جاتقان ينۆەستپورتفەلىنە ءقاۋىپ تونەدى. ءبىراق ءدال ءقازىر جاعىمسىز كوررەكسيانىڭ ناقتى كولەمىن ءدال بولجاۋ قيىن"، دەپ ءوز ويىن تۇيىندەيدى ولجايەۆ.