ماقتاارال اۋدانى ەكٸمدٸگٸ مەن اۋداندىق پوليتسييا بٶلٸمٸ بٸرلەسە وتىرىپ, مال ۇرلىعىنا توسقاۋىل قويۋ ٷشٸن ٸس-شارا جوسپارىن تٷزگەن. قازٸرگٸ تاڭدا اۋدان اۋماعىنداعى ەربٸر ۋچاسكەلٸك پوليتسييا ينسپەكتورى قاراۋسىز قالعان جەنە ەگٸستٸك القاپتاردىڭ جاعالاۋىندا ارقانداۋلى قالدىرعان مالداردى قاماپ, يەلەرٸنە تٷسٸندٸرۋ جۇمىستارىن جٷرگٸزۋدە.
– ەڭ بٸرٸنشٸدەن, اۋىل تۇرعىندارى مالدارىن سىرعالاپ, تاڭبالاپ, قۇجاتتارىن رەتكە كەلتٸرۋٸ قاجەت. ەكٸنشٸدەن, مالداردى جايىلىمعا قاراۋسىز جٸبەرمەي, پاداشى جالداۋى تيٸس. بٸز ٶز تاراپىمىزدان مال تاسىمالداعان اۆتوكٶلٸكتەردٸڭ قۇجاتتارىن, مالدىڭ سىرعالانعانىن, تاڭبالانعانىن تەكسەرٸپ, جوق بولعان جاعدايدا ەكٸمشٸلٸك جاۋاپكەرشٸلٸككە تارتاتىندىعىمىزدى ەسكەرتەمٸز! – دەدٸ ماقتاارال اۋداندىق پوليتسييا بٶلٸمٸ جەرگٸلٸكتٸ پوليتسييا قىزمەتٸنٸڭ باستىعى, پوليتسييا پودپولكوۆنيگٸ ماكەشوۆ ەرعالي ادايۇلى.
نەگٸزٸنەن ماقتاارالدا مال ۇرلىعى جىلدىڭ كٷز جەنە قىس مەزگٸلدەرٸندە كٷرت ٶسەدٸ. سەبەبٸ, ماقتا مەن باسقا دا ەگٸنشٸلٸكتەردٸ جيناۋ ناۋقانى اياقتالىپ, بوس قالعان ماقتالىق القاپتار مەن جايىلىمدارعا تۇرعىندار مالدارىن قاراۋسىز ايداپ جٸبەرەدٸ. سوندىقتان, بۇل باعىتتا اۋىلدىق وكرۋگ ەكٸمدەرٸ پاداشىنى ۇيىمداستىرۋعا اتسالىسىپ, ۋچاسكەلٸك پوليتسييا ينسپەكتورلارى مەن اۋىل بيلەرٸ تاراپىنان قاراۋسىز قالعان مال يەلەرٸنە ٷگٸت-ناسيحات جۇمىستارىن جٷرگٸزۋ كٷشەيتٸلدٸ.
ايتا كەتەيٸك, مال ۇرلىعىن ازايتۋ ٷشٸن مالدى بورداقىلاۋمەن, مالدى الىپ-ساتۋمەن اينالىساتىن, مالدى سوياتىن, تەرٸ قابىلدايتىن ورىندار جەنە مال تاسيتىن ازاماتتاردى سالىق ورگانىنا زاڭدى تٷردە تٸركەپ, ولاردىڭ ورنالاسقان جەرلەرٸنە بەينە كامەرالار ورناتۋ دا جوسپارلانىپ وتىر.
ماقتاارال اۋدانى ەكٸمٸنٸڭ باسپاسٶز قىزمەتٸ
