Maqtaaral aýdany ákimdigi men aýdandyq politsiia bólimi birlese otyryp, mal urlyǵyna tosqaýyl qoiý úshin is-shara josparyn túzgen. Qazirgi tańda aýdan aýmaǵyndaǵy árbir ýchaskelik politsiia inspektory qaraýsyz qalǵan jáne egistik alqaptardyń jaǵalaýynda arqandaýly qaldyrǵan maldardy qamap, ielerine túsindirý jumystaryn júrgizýde.
– Eń birinshiden, aýyl turǵyndary maldaryn syrǵalap, tańbalap, qujattaryn retke keltirýi qajet. Ekinshiden, maldardy jaiylymǵa qaraýsyz jibermei, padashy jaldaýy tiis. Biz óz tarapymyzdan mal tasymaldaǵan avtokólikterdiń qujattaryn, maldyń syrǵalanǵanyn, tańbalanǵanyn tekserip, joq bolǵan jaǵdaida ákimshilik jaýapkershilikke tartatyndyǵymyzdy eskertemiz! – dedi Maqtaaral aýdandyq politsiia bólimi jergilikti politsiia qyzmetiniń bastyǵy, politsiia podpolkovnigi Makeshov Erǵali Adaiuly.
Negizinen Maqtaaralda mal urlyǵy jyldyń kúz jáne qys mezgilderinde kúrt ósedi. Sebebi, maqta men basqa da eginshilikterdi jinaý naýqany aiaqtalyp, bos qalǵan maqtalyq alqaptar men jaiylymdarǵa turǵyndar maldaryn qaraýsyz aidap jiberedi. Sondyqtan, bul baǵytta aýyldyq okrýg ákimderi padashyny uiymdastyrýǵa atsalysyp, ýchaskelik politsiia inspektorlary men aýyl bileri tarapynan qaraýsyz qalǵan mal ielerine úgit-nasihat jumystaryn júrgizý kúsheitildi.
Aita keteiik, mal urlyǵyn azaitý úshin maldy bordaqylaýmen, maldy alyp-satýmen ainalysatyn, maldy soiatyn, teri qabyldaityn oryndar jáne mal tasityn azamattardy salyq organyna zańdy túrde tirkep, olardyń ornalasqan jerlerine beine kameralar ornatý da josparlanyp otyr.
Maqtaaral aýdany ákiminiń baspasóz qyzmeti
