ەستەرىڭىزگە سالايىق، كەشە رەجيسسەر جانىبەكوۆ مادەنيەت ءمينيسترى ارىستانبەك مۇحامەديۇلىن «وتكات» تالاپ ەتتى دەپ ايىپتاعان بولاتىن.

[caption id="attachment_17480" align="alignright" width="448"] عالي مىرزاشيەۆ[/caption]

«قازاقفيلم» مادەنيەت جانە سپورت مينيسترلىگى اتىنان قاراجاتتى كىمگە بەرۋ كەرەك ەكەنىن شەشەتىن مەكەمە. بۇل بۇرىننان قالىپتاسقان جۇيە. ماسەلەن، قازاق حاندىعىنىڭ 550 جىلدىعىنا وراي 2 ميلليون دوللاردى شىمكەنتتىك انيماسيالىق ستۋدياعا بەرە سالدى. مەنىڭ شىمكەنتتىكتەرگە ەشقانداي قارسىلىعىم جوق. ءبىراق، ول جاقتا ارنايى ءبىلىمى بار مامان جوق، مەكتەپ قالىپتاسپاعان. وزدىگىمەن ۇيرەنىپ العان ماماندار جۇمىس ىستەيدى. بايقاۋ نەگە جۇرگىزىلمەدى؟ ۇسىنىستار قايدا؟ ءتىپتى، «كوشپەندىلەردى» تۇسىرەتىن كەزدە دە رەجيسسەر تيمۋر بەكمامبەتوۆ ءوز ترەيلەرىن ۇسىنعان كورىنەدى. ءبىراق، ونى تىڭدار قۇلاق بولماعان»،— دەيدى ع.مىرزاشيەۆ.

كينو مامانىنىڭ ايتۋىنشا، مۇنداي جەمقورلىق جۇيەمەن ول ءجيى بەتپە-بەت كەلەدى ەكەن. ءقازىر مىرزاشيەۆ قازاقستاندىق مۋلتفيلمدەردى حالىقارالىق دەڭگەيگە الىپ شىعۋمەن اينالىسىپ كەلەدى.

«مەن مەملەكەتتىڭ قولداۋىنا مۇقتاج ەمەسپىن. ويتكەنى، كوررۋپسيا ءبىزدىڭ جوبالاردى ءولتىرىپ بىتەدى. مەن ساراپشىلار كەڭەسىنىڭ قۇرامىندا بولعانمىن. ساراپشىلار كەڭەسى بولا تۇرا، ونىڭ پىكىرىنە قۇلاق اسپاسا – جەمقورلىق دەگەن وسى»،— دەپ اتاپ ءوتتى عالي مىرزاشيەۆ.

ول ءوزىنىڭ ارىپتەسى، رەجيسسەر تالعات جانىبەكوۆتى قولدايتىنىن، مينيسترلىكتەگى جەمقورلىق تۋرالى ايتقان پىكىرىنە قوسىلاتىنىن جەتكىزدى.

«جەمقورلىقتىڭ دا ءتۇر-تۇرى بولادى. تالعات ءوزىنىڭ نۇسقاسىن ايتتى. مەن، وكىنىشكە قاراي، «قازاقفيلمنەن» ۇلكەن جوبالار الىپ ىستەپ كورمەپپىن. سوندىقتان، مەن ونى قولدايمىن. ەگەر رەجيسسەر ماسەلەنى كوتەرسە، ءبىز ءارى قاراي جالعاۋىمىز كەرەك. جەر رەفورماسىنداعىداي كينەماتوگرافيا سالاسى بويىنشا كوميسسيا قۇرىپ، جۇمىس ىستەۋ كەرەك، حالىق ءبارىن اشىق ءبىلۋى ءتيىس»،— دەپ ءسوزىن ءتۇيدى قاۋىمداستىق پرەزيدەنتى.

ەستەرىڭىزگە سالايىق، رەجيسسەر تالعات جانىبەكوۆ ءوزىنىڭ «فەنيكس» ءفيلمىن تۇسىرۋگە مادەنيەت ءمينيسترى ارىستانبەك مۇحامەدي ۇلىنىڭ كەدەرگى كەلتىرگەنىن ايتقان بولاتىن. سونداي-اق، ول «قازاقفيلم» اق-نىڭ ۆيسە-پرەزيدەنتى سەرىك جۇباندىقوۆتى جەمقور دەپ ايىپتادى.

https://www.youtube.com/watch؟v=kB6_Teph_rU