Animatsiialyq kino qaýymdastyǵynyń prezidenti Ǵali Myrzashev rejisser Talǵat Jánibekovti qoldaitynyn aityp, Qazaqstan kinoindýstriiasyndaǵy jemqorlyq jaiynda aityp berdi. Bul týraly Informburo.kz portaly jazyp otyr.
Esterińizge salaiyq, keshe rejisser Jánibekov Mádeniet ministri Arystanbek Muhamediulyn «otkat» talap etti dep aiyptaǵan bolatyn.
[caption id="attachment_17480" align="alignright" width="448"]
«Qazaqfilm» Mádeniet jáne sport ministrligi atynan qarajatty kimge berý kerek ekenin sheshetin mekeme. Bul burynnan qalyptasqan júie. Máselen, Qazaq handyǵynyń 550 jyldyǵyna orai 2 million dollardy shymkenttik animatsiialyq stýdiiaǵa bere saldy. Meniń shymkenttikterge eshqandai qarsylyǵym joq. Biraq, ol jaqta arnaiy bilimi bar maman joq, mektep qalyptaspaǵan. Ózdigimen úirenip alǵan mamandar jumys isteidi. Baiqaý nege júrgizilmedi? Usynystar qaida? Tipti, «Kóshpendilerdi» túsiretin kezde de rejisser Timýr Bekmambetov óz treilerin usynǵan kórinedi. Biraq, ony tyńdar qulaq bolmaǵan»,— deidi Ǵ.Myrzashev.
Kino mamanynyń aitýynsha, mundai jemqorlyq júiemen ol jii betpe-bet keledi eken. Qazir Myrzashev qazaqstandyq mýltfilmderdi halyqaralyq deńgeige alyp shyǵýmen ainalysyp keledi.
«Men memlekettiń qoldaýyna muqtaj emespin. Óitkeni, korrýptsiia bizdiń jobalardy óltirip bitedi. Men sarapshylar keńesiniń quramynda bolǵanmyn. Sarapshylar keńesi bola tura, onyń pikirine qulaq aspasa – jemqorlyq degen osy»,— dep atap ótti Ǵali Myrzashev.
Ol óziniń áriptesi, rejisser Talǵat Jánibekovti qoldaitynyn, ministrliktegi jemqorlyq týraly aitqan pikirine qosylatynyn jetkizdi.
«Jemqorlyqtyń da túr-túri bolady. Talǵat óziniń nusqasyn aitty. Men, ókinishke qarai, «Qazaqfilmnen» úlken jobalar alyp istep kórmeppin. Sondyqtan, men ony qoldaimyn. Eger rejisser máseleni kóterse, biz ári qarai jalǵaýymyz kerek. Jer reformasyndaǵydai kinematografiia salasy boiynsha komissiia quryp, jumys isteý kerek, halyq bárin ashyq bilýi tiis»,— dep sózin túidi qaýymdastyq prezidenti.
Esterińizge salaiyq, rejisser Talǵat Jánibekov óziniń «Feniks» filmin túsirýge Mádeniet ministri Arystanbek Muhamediulynyń kedergi keltirgenin aitqan bolatyn. Sondai-aq, ol «Qazaqfilm» AQ-nyń vitse-prezidenti Serik Jubandyqovty jemqor dep aiyptady.
https://www.youtube.com/watch?v=kB6_Teph_rU
