بۇل تۋرالى ەلوردا ەكٸمدٸگٸنٸڭ رەسمي سايتى حابارلايدى.
«مەدەنيەت جەنە سپورت نىساندارى قاڭتارىلىپ بوس تۇرماۋى تيٸس. وسىعان دەيٸن كەيبٸر نىساندار كونتسەرت, فورۋم نەمەسە تٷرلٸ مەدەني قويىلىمدار ٶتەتٸن كٷندەرٸ عانا جۇمىس ٸستەيتٸن. بٸراق بۇل نىساندار ەڭ الدىمەن قالا تۇرعىندارىنىڭ, ەسٸرەسە بالالار مەن جاستاردىڭ يگٸلٸگٸ ٷشٸن جۇمىس ٸستەۋٸ كەرەك. وسىلايشا بٸز مەدەني جەنە سپورت عيماراتتارىمىزدىڭ ەسٸگٸن ايقارا اشۋدى جالعاستىرامىز.
مەسەلەن كەزدەسۋلەردٸڭ بٸرٸندە كٶركەم گيمناستيكانىڭ جاتتىقتىرۋشىلارى مەن سپورتشىلارى بٶلمە مەسەلەسٸن كٶتەردٸ – بۇل سپورت تٷرٸمەن اينالىسۋ ٷشٸن بٶلمەلەردٸڭ بيٸكتٸگٸ ناقتى بٸر پارامەترلەرگە ساي كەلۋٸ قاجەت.
مۇنداي ارنايى ورىندار قالامىزدا جوق بولاتىن. وسىعان بايلانىستى سپورتشىلارىمىزدىڭ تەۋەلسٸزدٸك سارايىندا جاتتىعۋىنا مٷمكٸندٸك جاسادىق.
بۇل عيماراتتا ەمٸن-ەركٸن جاتتىعۋىنا بٶلمەنٸڭ بيٸكتٸگٸ ساي كەلەدٸ. وسىلايشا قاجەتتٸ جاعداي جاساۋ ارقىلى كٶركەم گيمناستيكانىڭ دامۋىنا قوسىمشا دەم بەردٸك. ال ساپالى جاعداي سپورتشىلارىمىزدىڭ ساپالى دايىندالۋىنا مٷمكٸندٸك بەرەدٸ.
تەۋەلسٸزدٸك سارايىندا مامىر ايىندا كٶركەم گيمناستيكادان قر چەمپيوناتى ٶتتٸ. جارىسقا 500-دەن استام سپورتشى قاتىستى. سپورتشىلارمەن, ولاردىڭ جەتەكشٸلەرٸمەن كەزدەسٸپ, كٶركەم گيمناستيكانىڭ ارى قاراي دا دامۋىن تالقىلادىق. تەۋەلسٸزدٸك سارايىندا دزيۋدو, حالىق بيٸ, شاحمات, ٷستەل تەننيسٸ سەكٸلدٸ تٷرلٸ سەكتسييالار بار.
سول سيياقتى ٶزگە دە سپورت نىساندارىندا جاتتىعۋلار ٶتكٸزۋ ٷشٸن قوسىمشا ساعاتتار بٶلٸنەدٸ. بۇدان بٶلەك «استانا ارەنا» ستاديونىنىڭ بازاسىندا جەكپە-جەك سپورت تٷرلەرٸنە ارنالعان زال اشىلدى; سپورتشىلار مەن قالا تۇرعىندارىنىڭ ٶتٸنٸشٸ نەگٸزٸندە ٷرلەمەلٸ فۋتبول كورتى (الماتى اۋدانىندا) جٶندەلدٸ, «تولقىن» سپورت كەشەنٸنە كٷردەلٸ جٶندەۋ جٷرگٸزٸلدٸ. «قازاقستان» سپورت كەشەنٸندە اۋقىمدى جاڭعىرتۋ, «جاستار» سارايىن قايتا جاڭارتۋ سەكٸلدٸ ٶزگە دە جۇمىستار جٷزەگە اسىپ جاتىر.
مەملەكەت باسشىسىنىڭ تاپسىرماسى بويىنشا بالالار مەن جاسٶسپٸرٸمدەرگە ارنالعان سپورت مەكتەپتەرٸنە قولداۋ كٶرسەتۋ, بۇقارالىق سپورتپەن اينالىسۋى ٷشٸن جاعداي جاساۋ مەسەلەسٸنە ەرەكشە نازار اۋدارامىز», - دەپ جازدى ەلوردا ەكٸمٸ.
