Bul týraly elorda ákimdiginiń resmi saity habarlaidy.
«Mádeniet jáne sport nysandary qańtarylyp bos turmaýy tiis. Osyǵan deiin keibir nysandar kontsert, forým nemese túrli mádeni qoiylymdar ótetin kúnderi ǵana jumys isteitin. Biraq bul nysandar eń aldymen qala turǵyndarynyń, ásirese balalar men jastardyń igiligi úshin jumys isteýi kerek. Osylaisha biz mádeni jáne sport ǵimarattarymyzdyń esigin aiqara ashýdy jalǵastyramyz.
Máselen kezdesýlerdiń birinde kórkem gimnastikanyń jattyqtyrýshylary men sportshylary bólme máselesin kóterdi – bul sport túrimen ainalysý úshin bólmelerdiń biiktigi naqty bir parametrlerge sai kelýi qajet.
Mundai arnaiy oryndar qalamyzda joq bolatyn. Osyǵan bailanysty sportshylarymyzdyń Táýelsizdik saraiynda jattyǵýyna múmkindik jasadyq.
Bul ǵimaratta emin-erkin jattyǵýyna bólmeniń biiktigi sai keledi. Osylaisha qajetti jaǵdai jasaý arqyly kórkem gimnastikanyń damýyna qosymsha dem berdik. Al sapaly jaǵdai sportshylarymyzdyń sapaly daiyndalýyna múmkindik beredi.
Táýelsizdik saraiynda mamyr aiynda kórkem gimnastikadan QR chempionaty ótti. Jarysqa 500-den astam sportshy qatysty. Sportshylarmen, olardyń jetekshilerimen kezdesip, kórkem gimnastikanyń ary qarai da damýyn talqyladyq. Táýelsizdik saraiynda dziýdo, halyq bii, shahmat, ústel tennisi sekildi túrli sektsiialar bar.
Sol siiaqty ózge de sport nysandarynda jattyǵýlar ótkizý úshin qosymsha saǵattar bólinedi. Budan bólek «Astana Arena» stadionynyń bazasynda jekpe-jek sport túrlerine arnalǵan zal ashyldy; sportshylar men qala turǵyndarynyń ótinishi negizinde úrlemeli fýtbol korty (Almaty aýdanynda) jóndeldi, «Tolqyn» sport keshenine kúrdeli jóndeý júrgizildi. «Qazaqstan» sport kesheninde aýqymdy jańǵyrtý, «Jastar» saraiyn qaita jańartý sekildi ózge de jumystar júzege asyp jatyr.
Memleket basshysynyń tapsyrmasy boiynsha balalar men jasóspirimderge arnalǵan sport mektepterine qoldaý kórsetý, buqaralyq sportpen ainalysýy úshin jaǵdai jasaý máselesine erekshe nazar aýdaramyz», - dep jazdy elorda ákimi.
