2025 جىلدىڭ 18-21 مامىر ارالىعىندا استانادا مەدەنيەت جەنە ٶنەر قىزمەتكەرلەرٸنٸڭ فورۋمى ٶتتٸ. وعان ەلٸمٸزدٸڭ بارلىق ٶڭٸرٸنەن, سونىمەن قاتار شەتەلدٸك مەدەني جەنە شىعارماشىلىق قاۋىمداستىقتاردان كەلگەن 700-دەن استام ادام قاتىستى. اۋقىمدى ٸس-شارا 21 مامىر – مەدەنيەت جەنە ٶنەر قىزمەتكەرلەرٸنٸڭ كەسٸبي مەرەكەسٸنە وراي ۇيىمداستىرىلدى.
سالتاناتتى جيىن بارىسىندا فورۋم قاتىسۋشىلارىن قازاقستان رەسپۋبليكاسى پرەمەر-مينيسترٸنٸڭ ورىنباسارى ەرمەك كٶشەرباەۆ قۇتتىقتاپ, مەملەكەت باسشىسىنىڭ اتىنان بٸرقاتار مەملەكەتتٸك ناگرادالاردى تابىستادى.
«قۇرمەت» وردەنٸمەن نۇرعيسا تٸلەنديەۆ اتىنداعى «وتىرار سازى» اكادەمييالىق فولكلورلىق-ەتنوگرافييالىق وركەسترٸنٸڭ ەرتٸسٸ لاريسا ناسرەتدينوۆا ماراپاتتالدى.
«ەرەن ەڭبەگٸ ٷشٸن» مەدالٸمەن «Mezzo» ۆوكالدىق توبىنىڭ سوليستەرٸ — اسان نۇربەرگەنوۆ, جەنٸبەك سەيداحمەتوۆ, جاسۇلان سىدىقوۆ, مەدەت ورىمباەۆ, سونداي-اق رەسپۋبليكالىق اكادەمييالىق نەمٸس دراما تەاترىنىڭ ەرتٸسٸ تيمۋر بوندانك ماراپاتتالدى.
«شاپاعات» مەدالٸ ناتاليا ساتس اتىنداعى مەملەكەتتٸك اكادەمييالىق ورىس بالالار مەن جاسٶسپٸرٸمدەر تەاترىنىڭ پەداگوگيكا بٶلٸمٸنٸڭ مەڭگەرۋشٸسٸ سەۋلە باينيەتوۆاعا تابىستالدى.
«قازاقستاننىڭ ەڭبەك سٸڭٸرگەن قايراتكەرٸ» قۇرمەتتٸ اتاعى كٷلەش بايسەيٸتوۆا اتىنداعى دارىندى بالالارعا ارنالعان رەسپۋبليكالىق مۋزىكا مەكتەپ-ينتەرناتىنىڭ پەداگوگى كٷلەش مولداعاليەۆاعا جەنە سەبيت مۇقانوۆ اتىنداعى مەملەكەتتٸك قازاق مۋزىكالىق-دراما تەاترىنىڭ ديرەكتورى بٸرجان جالعاسباەۆقا بەرٸلدٸ.
بۇعان دەيٸن مەملەكەت باسشىسى ەل مەدەنيەتٸن دامىتۋعا سٸڭٸرگەن ەڭبەگٸ ٷشٸن كٶرنەكتٸ مەدەنيەت جەنە ٶنەر قايراتكەرلەرٸنە مەملەكەتتٸك ناگرادالار تابىستاپ, ولاردىڭ ۇلت رۋحانيياتىنا قوسقان زور ٷلەسٸن اتاپ ٶتكەن بولاتىن. اقوردادا ٶتكەن سالتاناتتى جيىن بارىسىندا قاسىم-جومارت توقاەۆ مەملەكەت مەدەنيەت پەن ٶنەر سالاسىنىڭ دامۋىنا ەردايىم ايرىقشا كٶڭٸل بٶلەتٸنٸن سٶز ەتتٸ. ٶيتكەنٸ بۇل سالالاردىڭ دەڭگەيٸ ەل رۋحانيياتىنىڭ دامۋىمەن تىعىز بايلانىستى.
ايتا كەتەيٸك, استانادا ٶتكەن فورۋم اياسىندا 20-دان استام تاقىرىپتىق سەسسييا مەن پانەلدٸك پٸكٸرتالاس ۇيىمداستىرىلدى. ولارعا سالالىق مينيسترلٸكتەردٸڭ ٶكٸلدەرٸ, ساراپشىلار, مەدەنيەت قايراتكەرلەرٸ جەنە فرانتسييا, قىتاي, يتالييا, تٷركييا, وڭتٷستٸك كورەيا, ٶزبەكستان, رەسەي سىندى ەلدەردەن كەلگەن شەتەلدٸك سپيكەرلەر قاتىستى.
بٸلٸم بەرۋ باعىتى بويىنشا 30-دان استام ٸس-شارا ۇيىمداستىرىلدى. وندا قاتىسۋشىلار مۋزەي مەنەدجمەنتٸ مەن تەاتر ٶنەرٸنەن باستاپ, تسيفرلىق تەحنولوگييالار مەن مەدەني ماركەتينگكە دەيٸنگٸ بٸرقاتار ماڭىزدى مەسەلەلەردٸ تالقىلادى.
فورۋم اياسىندا قازاقستان مۋزەيلەرٸنٸڭ كونگرەسٸ دە ٶتتٸ. وندا ەكسپوزيتسييالىق قىزمەتتٸڭ جاڭا فورمالارىن ەنگٸزٸ, تسيفرلاندىرۋ جەنە كٶرەرمەنمەن ٶزارا بايلانىس ورناتۋ جولدارى سٶز بولدى.
فورۋم مەملەكەتتٸك مەدەني ساياساتتىڭ باسىم باعىتتارىن ايقىندايتىن, كرەاتيۆتٸ يندۋسترييانى دامىتۋ, ماتەريالدىق ەمەس مۇرانى ساقتاۋ جەنە حالىقارالىق مەدەني ىنتىماقتاستىقتى نىعايتۋ مەسەلەلەرٸ تالقىلانعان نەگٸزگٸ الاڭعا اينالدى.
اۋقىمدى ٸس-شارانىڭ قورىتىندىسى سالتاناتتى گالا-كونتسەرتپەن تٷيٸندەلدٸ.
