«بەلارۋس ەلىندە بولىپ جاتقان ميتينگىلەر كييەۆتەگى 2013 جىلعى مايداننىڭ جالعاسى. ءسوسياليزمنىڭ ارالىنا اينالعان بەلارۋس رەسپۋبليكاسى اقش پەن باتىستىڭ تاماعىنداعى سۇيەك قوي.
مينسكىدە باستاۋ العان وقيعالارعا باتىس ەلدەرى مەن اقش ارالاسىپ وتىر. الەكساندر لۋكاشەنكو مەملەكەتىن ساقتاپ قالۋ ءۇشىن بارىن سالىپ جاتىر. ءبىراق قولىنان كوپ نارسە كەلەر ەمەس.
پولشا، ۋكرانينا، بالتىق ەلدەرىنىڭ يدەولوگياسى كۇشتى بوپ تۇر»، -دەدى ءماجىلىس دەپۋتاتى malim.kz سايتىنا.
بەلارۋس ەلىندە 9-تامىز پرەزيدەنتتىك سايلاۋدان كەيىن جاپپاي ميتينگىلەر باستالدى. ورتالىق سايلاۋ كوميسسياسىنىڭ حابارلاۋىنشا 26 جىل پرەزيدەنتتىك تاقتا وتىرعان الەكساندر لۋكاشەنكو 80،01 پايىزعا يە بولسا، وپپوزيسيا اتىنان تۇسكەن سۆەتلانا تيحانوۆسكايا 10،09 پايىز عانا داۋىس جيناعان. بۇعان كەلىسپەگەن حالىق جاپپاي كوشەلەرگە شىعا باستادى. بۇنداي شەرۋلەر تاۋەلسىز بەلارۋس تاريحىندا بولعان ەمەس. وتكەن جەكسەنبىدە مينسكىدەگى ورتالىق الاعا 200 مىڭنان اسا ادام شىقتى دەگەن اقپارات بار. ءقازىر 4 مىڭنان اسا ادام تۇرمەگە قامالىپ، كۇشتىك قۇرىلىمدار تاراپىنان ۇرىپ-سوعۋ فاكتىلەرى انىقتالعان. قۇقىق قورعاۋشىلار ادام ولىمدەرىنىڭ دە بولعانىن مالىمدەگەن.
«بەلارۋستا كوممۋنيستتەر بار. جانە ولار ۇلكەن كۇشكە يە. نەگە تىنىش وتىرعاندارىن بىلمەيمىن. ءبىز قازاقستان كوممۋنيستىك حالىقتىق پارتياسى پرەزيدەنتتىك سايلاۋدان كەيىن باستالعان شەرۋلەردى تالقىلاپ جاتىرمىز. سوۆەت وداعى ىدىراعان كەزدە ونىڭ قورعاپ قالاتىن كۇش بار ەدى. ءبىراق قاشان دا اگرەسسيا باسىم كەلەدى. شىندىقتى قورعاۋشىلار ءالسىز كەلەتىنى بار.
ءبىز ەۆرازيالىق وداقتىڭ قۇرامىنداعى ەلمىز عوي. لۋكاشەنكونى قولداۋىمىز كەرەك.
رەسەي پرەزيدەنتى پۋتين مەن قازاقستان باسشىسى توقايەۆتىڭ ۇنسىزدىگىن تۇسىنبەيمىن»، – دەدى ۆلاديسلاۆ كوسىريەۆ.
ايتپاقشى، 2020 جىلدىڭ 16 تامىز كۇنى الەكساندر لۋكاشەنكو رەسەي باسشىسى ۆلاديمير پۋتينمەن تەلەفون ارقىلى سويلەسكەن. ارتىنشا، كرەم رۋ سايتىندا رەسمي ماسكەۋ ۇجىمدىق قاۋىپسىزدىك كەلىسىم-شارتى ۇيىمىنداعى (ودكب) كەلىسىمدەرگە سايكەس مينسكىگە كومەكتەسۋگە دايىن ەكەنى حابارلاندى.
بۇعان قاتىستى قازاقستاندىق كوممۋنيست كوسىريەۆ رەسەي اسكەرىن بەلارۋس جەرىنە جەتكىزبەي ماسەلەنى شەشۋ كەرەك دەيدى.
