«Belarýs elinde bolyp jatqan mitingiler Kievtegi 2013 jylǵy Maidannyń jalǵasy. Sotsializmniń aralyna ainalǵan Belarýs Respýblikasy AQSh pen Batystyń tamaǵyndaǵy súiek qoi.
Minskide bastaý alǵan oqiǵalarǵa Batys elderi men AQSh aralasyp otyr. Aleksandr Lýkashenko memleketin saqtap qalý úshin baryn salyp jatyr. Biraq qolynan kóp nárse keler emes.
Polsha, Ýkranina, Baltyq elderiniń ideologiiasy kúshti bop tur», -dedi májilis depýtaty malim.kz saityna.
Belarýs elinde 9-tamyz prezidenttik sailaýdan keiin jappai mitingiler bastaldy. Ortalyq sailaý komissiiasynyń habarlaýynsha 26 jyl prezidenttik taqta otyrǵan Aleksandr LÝKAShENKO 80,01 paiyzǵa ie bolsa, oppozitsiia atynan túsken Svetlana TIHANOVSKAIa 10,09 paiyz ǵana daýys jinaǵan. Buǵan kelispegen halyq jappai kóshelerge shyǵa bastady. Bundai sherýler táýelsiz Belarýs tarihynda bolǵan emes. Ótken jeksenbide Minskidegi ortalyq alaǵa 200 myńnan asa adam shyqty degen aqparat bar. Qazir 4 myńnan asa adam túrmege qamalyp, kúshtik qurylymdar tarapynan uryp-soǵý faktileri anyqtalǵan. Quqyq qorǵaýshylar adam ólimderiniń de bolǵanyn málimdegen.
«Belarýsta kommýnistter bar. Jáne olar úlken kúshke ie. Nege tynysh otyrǵandaryn bilmeimin. Biz Qazaqstan kommýnistik halyqtyq partiiasy prezidenttik sailaýdan keiin bastalǵan sherýlerdi talqylap jatyrmyz. Sovet odaǵy ydyraǵan kezde onyń qorǵap qalatyn kúsh bar edi. Biraq qashan da agressiia basym keledi. Shyndyqty qorǵaýshylar álsiz keletini bar.
Biz Evraziialyq odaqtyń quramyndaǵy elmiz ǵoi. Lýkashenkony qoldaýymyz kerek.
Resei prezidenti Pýtin men Qazaqstan basshysy Toqaevtyń únsizdigin túsinbeimin», – dedi Vladislav Kosyrev.
Aitpaqshy, 2020 jyldyń 16 tamyz kúni Aleksandr Lýkashenko Resei basshysy Vladimir PÝTINMEN telefon arqyly sóilesken. Artynsha, Krem rý saitynda resmi Máskeý Ujymdyq qaýipsizdik kelisim-sharty uiymyndaǵy (ODKB) kelisimderge sáikes Minskige kómektesýge daiyn ekeni habarlandy.
Buǵan qatysty qazaqstandyq kommýnist Kosyrev resei áskerin Belarýs jerine jetkizbei máseleni sheshý kerek deidi.
