كينو – شىنايى ٶمٸرٸمٸزدٸڭ كٶرٸنٸسٸ ەمەس پە? XVII حالىقارالىق «ەۋرازييا» كينوفەستيۆالٸنٸڭ ٷشٸنشٸ كٷنٸنٸڭ قاتىسۋشىلارىمەن ٶتكەن باسپاسٶز كونفەرەنتسيياسى وسىنى دەلەلدەدٸ. ەڭ ەسەرلٸ فيلمدەر بٸزدٸڭ جادىمىزدا ساقتالىپ, ادالدىق پەن ٷمٸت تۋرالى سىر شەرتەتٸنٸن كٶرسەتتٸ, – دەپ حابارلايدى Dalanews.kz.
«جەر انا» فيلمٸنٸڭ قويۋشى-وپەراتورى يسماەل بلانكو يسپانييانىڭ بوس قالىپ, قۇردىمعا كەتكەن اۋىلدارى تۋرالى سٶز قوزعادى. ٶمٸر بويى اۋىلىنىڭ شاڭىن جۇتىپ, دالا تٶسٸندە ەمٸن-ەركٸن جٷرگەن تۇرعىنداردىڭ كٷنكٶرٸسٸ قيىنداپ كەتكەن. بۇل جەرلەردە ٶمٸر ٷشٸن كٷرەسۋگە تۋرا كەلەدٸ. فيلمدە شٶل دالا مەن مەگاپوليستٸڭ تىنىس-تٸرشٸلٸگٸ, ارتتا قالعان كٷندەر مەن جايلىلىققا تولى بولاشاق سۋرەتتەلٸپ, قاراما-قايشىلىقتار بەينەلەنگەن.
– بۇل اۋىلداردىڭ تۇرعىندارى كەسٸبي اكتەرلەر ەمەس. ولاردىڭ بەت-ەلپەتٸ مەن سٶيلەۋ مەنەرٸ تاريحتان سىر شەرتەدٸ. ونى ويدان شىعارۋ مٷمكٸن ەمەس», – دەيدٸ ول.
قىرعىز رەجيسسەرٸ داستان جاپار رىسكەلدي شىنايى وقيعا نەگٸزٸندە تٷسٸرٸلگەن «شەكاراداعى مەمٸلە» فيلمٸن ۇسىندى. ونىڭ تۋىندىسى ورتالىق ازييا جەنە تٷركٸ ەلدەرٸ بايقاۋىنا قاتىسۋدا.
– مەنٸڭ اعام قۇلدىقتا بولدى. بۇل 2000 جىلدارى بولعان جاعداي, بٸراق وسىعان ۇقساس وقيعالار ەلٸ دە قايتالانىپ كەلەدٸ. بٸز ٶزدەرٸن قورعاي المايتىن ادامدار ٷشٸن وسى تۋرالى ٷن قاتۋىمىز كەرەك, – دەيدٸ رەجيسسەر. وسى فيلم ارقىلى داستان جاپار رىسكەلدي بٷكٸل ورتالىق ازييا ەلدەرٸندە ٶزەكتٸلٸگٸن جوعالتپاعان قۇلدىق مەسەلەسٸنە قاتىستى جانايقايىن جەتكٸزبەك.
تاتار رەجيسسەرٸ سالاۆات يۋزەەۆتٸڭ «عاشىقتار تاۋى» فيلمٸ ادام جانىنىڭ اسىل قاسيەتٸ ماحاببات پەن ەسەمدٸگٸن جوعالتپايتىن تابيعاتتىڭ كيەلٸ ەكەنٸن بەينەلەيدٸ. فيلم كەيٸپكەرٸ ماحاببات سەرتٸمەن بايلانىسى بار تاۋدى بارىنشا قورعاۋعا تىرىسادى.
– بۇل تاۋ تەك تابيعاتتىڭ كٶركەم سىيى ەمەس. بۇل كەيٸپكەردٸڭ
ادالدىعى مەن رۋحاني كٷشٸنٸڭ سيمۆولى, – دەدٸ سالاۆات.
كينوفەستيۆالدە ەرەكشە ەسەر قالدىرعان فيلمدەردٸڭ بٸرٸ – ارۋان انارتايدىڭ «جوقتاۋ» كارتيناسى. اتالمىش تۋىندى ورتالىق ازييا جەنە تٷركٸ ەلدەرٸ بايقاۋىندا باق سىناسۋدا. وتاندىق رەجيسسەردٸڭ فيلمٸن تاماشالاۋ ٷشٸن كٶرەرمەندەر كەزەككە تۇرىپ, زالدىڭ ٸشٸندە ينە شانشار ورىن تابىلمادى.
– ستسەناريي جازۋ بارىسىندا مەن ەلٸ دە قايعىدان قان جۇتىپ وتىردىم. جوقتاۋ يگٸ ادامداردىڭ دٷنيەدەن ٶتكەنٸنە ٶكٸنٸپ, ولاردى ەسكە تٷسٸرۋ ٷشٸن ايتىلاتىن سٶز عانا ەمەس. بۇل بٸزدٸڭ مەدەنيەتٸمٸز, مەڭگٸ مەكەنگە كەتكەندەرمەن سىرلاسۋدىڭ جولى, – دەدٸ رەجيسسەر.
«جوقتاۋ» فيلمٸ جەكە قايعى مەن دالا دەستٷرٸنٸڭ ۇلىلىعىن ٷيلەستٸرە وتىرىپ, كٶرەرمەندەردٸ تەرەڭ تەبٸرەنتتٸ.
«ەۋرازييا» كينوفەستيۆالٸ قاتىسۋشىلار مەن كٶرەرمەندەردٸ شابىتتاندىرىپ, ولاردى بٸرٸكتٸرە وتىرىپ, ٶز جۇمىسىن جالعاستىرۋدا. كٶركەم تۋىندىلاردى تاماشالاۋ مٷمكٸندٸگٸن جٸبەرٸپ الماڭىزدار. كٶرسەتٸلٸمدەر كەستەسٸمەن فەستيۆالدٸڭ رەسمي سايتىندا تانىسا الاسىزدار: https://eurasiaiff.info/
دەستٷرلٸ فەستيۆالدٸڭ نەگٸزٸن قالاۋشى جەنە ۇيىمداستىرۋشى – قر مەدەنيەت جەنە اقپارات مينيسترلٸگٸ. كينوفەستيۆالدٸ تٸكەلەي ۇيىمداستىرۋ الماتى قالاسى ەكٸمدٸگٸنٸڭ قولداۋىمەن شەكەن ايمانوۆ اتىنداعى «قازاقفيلم» ۇلتتىق كينوستۋديياسىنا جٷكتەلگەن.
ايتا كەتەيٸك, ٸس-شاراعا KAZ Minerals كەن ٶندٸرۋ كومپانيياسى, Sarens Kazakhstan, Eurasian Resources Group (ERG), Salem Entertainment, Kinopark Theatres كينوتەاترلار جەلٸسٸ, Astana Motors, «قازاقتەلەكوم» اق جەنە A-Event KZ دەمەۋشٸلٸك ەتتٸ.
