قارجىلىق مونيتورينگ اگەنتتىگى ازاماتتاردى جەكە بانك كارتالارىن پايدالانۋ ارقىلى قىلمىستىق تابىستاردى زاڭداستىرۋ ءۇشىن وڭاي تابىس ۇسىنىپ، قىلمىستىق سحەمالارعا تارتۋ فاكتىلەرى جيىلەپ كەتكەنىن ايتادى، دەپ حابارلايدى Dalanews.kz.
بوتەندەر اقشاعا بانك كارتاسى ارقىلى اقشا اۋدارىپ الۋدى وتىنەدى. بۇل، كوبىنە ەسىرتكىدەن تۇسكەن اقشانى زاڭداستىرۋ ءۇشىن جاسالادى. وسىلايشا، از اقشاعا قىزىققان وسال توپ وكىلدەرى، ءوزى دە بىلمەستەن "دروپ" بولۋ ءقاۋىپىن ەسكەرمەي، قىلمىستىق سحەمالارعا تارتىلۋى مۇمكىن.
اقشا كيبەر قۇقىقبۇزۋشىلىقتاردان نەمەسە ەسىرتكى جانە ادام ساتۋ سياقتى قىلمىستىق سحەمالاردان تارتىلۋى ىقتيمال.
قما جۇرگىزگەن تالداۋىنا سايكەس، ەسىرتكى ساتۋمەن بايلانىستى سحەمالاردا جالپى اينالىمى 22 ملرد تەڭگە بولاتىن 30 مىڭ بانك كارتاسى پايدالانىلعان.
مۇنداي زاڭسىز سحەمالارعا قاتىسۋ تۇلعالاردىڭ مۇلكىن تاركىلەۋ، اكىمشىلىك جانە قىلمىستىق جاۋاپكەرشىلىك سياقتى اۋىر سالدارعا اكەلەدى.
قما سوڭعى زەرتتەۋلەرىنە سايكەس، قارجىلىق قيىندىقتارعا تاپ بولعانداردىڭ، اتاپ ايتقاندا جۇمىسسىزدار، ستۋدەنتتەر جانە الەۋمەتتىك وسال توپ وكىلدەرىنىڭ الاياقتاردىڭ جەڭىل جولمەن وڭاي ولجاعا كەنەلۋ ۋادەلەرىنە سەنىپ، "دروپ" بولىپ قالۋ ءقاۋىپى جوعارى ەكەنى انىقتالدى.
استانا مەن قاراعاندى قالاسىنىڭ ستۋدەنتتەرى جانە تەمىرتاۋلىق 64 جاستاعى زەينەتكەر "دروپ" رەتىندە Telegram-دۇكەنىندە ەسىرتكى ساتۋدان الىنعان اقشانى جىلىستاتۋ سحەماسىنا قاتىسقان. ولاردىڭ شوتتارى ارقىلى 100 ملن تەڭگەدەن استام قارجى وتكەن. بۇل ناركوشوپتىڭ جالپى اينالىمى 2 ملرد تەڭگەدەن اسقان.
تاعى ءبىر جاعدايدا الماتىدا 20 جاستاعى ستۋدەنتتىڭ كارتاسى پايدالانىلىپ، ونىڭ شوتىنا 900-دەن استام ادامنان 22،5 ملن تەڭگە تۇسكەن. اۋدارىمدار 7.5 مىڭنان 15 مىڭ تەڭگەگە دەيىنگى ارالىقتا بولعان، بۇل سومالار ەسىرتكى زاتتارىنىڭ ءبىر رەتتىك دوزالارىنىڭ قۇنىنا سايكەس كەلەدى. كەيىننەن بۇل اقشا قۇقىق بۇزۋشىلاردىڭ كريپتو-امياندارىنا شىعارىلدى.
ونلاين ديالوگ ارقىلى بەيتانىس ازاماتتار نەمەسە كومپانيانىڭ وكىلدەرى حابارلاسىپ، شوتىڭىزعا سىياقىعا اقشا اۋدارىپ، ەسەسىنەن وڭاي اقشا تابۋدى ۇسىنعان جاعدايدا قىراعىلىق تانىتىپ، ءوزىڭىزدى قىلمىستىق سحەمانىڭ مۇشەسى بولۋدان ساقتاڭىز.
