رەسەيلٸك سيبۋر قازاقستاندىق مۇناي-حيمييا جوباسىنىڭ قۇرامىنا ەندٸ, - دەپ حابارلايدى Dalanews.kz.
قازاقستاننىڭ باتىسىندا Kazakhstan Petrochemical Industries Inc (KPI) كومپانيياسىنا تيەسٸلٸ پوليپروپيلەن ٶندٸرۋ زاۋىتى سەتتٸ ٸسكە قوسىلدى. قازٸر بۇل جوبانىڭ 40% اكتسيياسى رەسەيلٸك سيبۋر كومپانيياسىنا تيەسٸلٸ. تاراپتار اراسىنداعى العاشقى كەلٸسٸمدەرگە 2022 جىلى قول قويىلعانىمەن بارلىق شارتتى تالقىلاۋعا كٶپ ۋاقىت كەتكەن.
پەتروحيمييا سالاسىنداعى ەڭ ٸرٸ رەسەيلٸك ٶندٸرۋشٸ سيبۋر بۇل ىنتىماقتاستىقتى ايماقتاعى ىقپالىن كەڭەيتۋگە مٷمكٸندٸك بولادى دەپ سانايدى. زاۋىتتىڭ جوسپارلى جىلدىق قۋاتى - تەڭٸز كەن ورنىندا ٶندٸرٸلەتٸن پروپاننان ٶندٸرٸلەتٸن 500 مىڭ توننا پوليپروپيلەن.
KPI يەلەنۋ سحەماسى مىنانداي: اكتسييانىڭ 49,5 پايىزى قازاقستاندىق «قازمۇنايگازعا» تيەسٸلٸ, ال 40 پايىزى سيبۋردا, 9,5 پايىزى «سامرۇق-قازىنا» قورىنا تيەسٸلٸ بولسا, قالعان 1 پايىزى «المەكس» قازاقستاندىق جەكە كومپانيياعا تيەسٸلٸ.
ساراپشىلار پٸكٸرٸنشە رەسەيلٸك كومپانييانىڭ وتاندىق جوباعا ەنۋٸ بەلگٸلٸ كٶلەمدە قاۋٸپ-قاتەر تۋعىزادى, ناقتىراق ايتقاندا قازاقستاننىڭ تەرٸسكەي كٶرشٸنٸڭ الدىنداعى تەۋەلدٸلٸگٸن ارتتىرىپ, ەكونوميكانىڭ ماڭىزدى سەكتورلارىن رەسەيلٸك ينۆەستيتسيياعا بايلاپ قويۋى مٷمكٸن. بۇل ٶز كەزەگٸندە كرەملدٸڭ ايماقتاعى ساياسي ىقپالىنىڭ ەسەلەپ ارتۋىنا الىپ كەلەدٸ.
سونىمەن بٸرگە سيبۋر سەكٸلدٸ ٸرٸ ويىنشىنىڭ ەل ەكونوميكاسىنا قارجى قۇيۋى ٶندٸرٸستٸك قۋاتتى ارتىرىپ, قازاقستاننىڭ ەكسپورتتىق ەلەۋەتٸنە وڭ ەسەرٸن تيگٸزۋٸ مٷمكٸن.
دەي تۇرعانمەن, استانانىڭ الدىندا ەگەمەندٸكتٸ ساقتاۋ مەن ەكونوميكالىق تيٸمدٸلٸكتٸ ەسەپكە الۋ دەيتٸن اۋىر ديلەمما تۇر.
بۇل بالانستى ساقتاۋدا بەكتەنوۆ ٷكٸمەتٸنٸڭ قانداي شەشٸم قابىلدايتىنى ماڭىزدى, قالاي بولعان كٷندە ۇلتتىق مٷددەنٸ قورعاۋ وسىناۋ جوبانى دامىتۋداعى باستى باسىمدىقتىڭ بٸرٸ بولماق.
ەسكە سالايىق, بۇعان دەيٸن قازاقستان رەسەيدەن ٷستٸ-ٷستٸنە قارىز الىپ جاتقانىن جازعان بولاتىنبىز. قازاقستان قارىزعا بەلشەدەن باتۋدا, سوڭعى بەس جىلدا ەلدٸڭ سىرتقى بەرەشەگٸ 4 ميلليارد دوللارعا ارتقان. ۇلتتىق بانكتٸڭ دەرەگٸنشە 2024 جىلى ەلدٸڭ سىرتقى قارىزى 163 ميلليارد دوللاردى قۇراعان, بۇل وسىدان بەس جىل بۇرىنعى كٶرسەتكٸشپەن سالىستىرعاندا بٸرنەشە ميللياردقا كٶپ.
قازاقستانعا ەڭ كٶپ نەسيە بەرگەن ەل – نيدەرلاند: 42,6 ميلليارد دوللار. دەگەنمەن, قازاقستاننىڭ رەسەيگە الدىنداعى بەرەشەگٸ ەرەكشە كٶزگە تٷسەدٸ. سوڭعى بەس جىلدا قازاقستاننىڭ تەرٸسكەي كٶرشٸسٸنە قارىزى 47,1 پايىزعا ارتىپ, 13 ميلليارد دوللارعا جەتكەن. بۇل مەسكەۋدٸڭ قازاقستان ەكونوميكاسىنداعى قارجىلىق ىقپالى مەن بەلسەندٸلٸگٸن ايتارلىقتاي كٷشەيتٸپ وتىر.
ال باتىس ەلدەرٸنٸڭ تاراپىنان نەسيە بەرۋشٸلەرٸنٸڭ قارىزدارى ازايا باستاعان. ۇلىبريتانييا مەن اقش قازاقستانعا قارىز بەرۋدٸ ايتارلىقتاي ازايتقان.
وسى ٶزگەرٸستەر اياسىندا ازييا دامۋ بانكٸ مەن دٷنيەجٷزٸلٸك دەنساۋلىق ساقتاۋ ۇيىمى قازاقستانداعى جوبالارعا بەلسەندٸ قاتىسىپ جٷر. جەلتوقسان ايىندا ازييا دامۋ بانكٸ قارجىلىق باسقارۋدى رەفورمالاۋعا 350 ميلليون دوللار بٶلسە, ال دٷنيەجٷزٸلٸك بانكتٸڭ كٶمەگٸمەن ددۇ پاندەمييامەن كٷرەسۋ ٷشٸن 19 ميلليون دوللار بٶلٸپ, پاندەمييا قورىنىڭ جوباسىن قولعا العان.
