مەجٸلٸس دەپۋتاتى سامات نۇرتازا تەلەفونى جوعالعانىن ايتتى, ال ٸشكٸ ٸستەر مينيسترٸ ەرجان سەدەنوۆ "تابامىز" دەپ سەندٸردٸ, دەپ حابارلايدى Dalanews.kz.
دەپۋتات سامات نۇرتازا ارىزى بٸر جارىم جىلدان بەرٸ ەسٸل اۋداندىق پوليتسييا باسقارماسىندا جاتقانىن ايتتى.
"1,5 ملن كامەرامىز بار. 58 پايىز قىلمىس اشىلىپ جاتىر" دەدٸڭٸز. قاراپايىم سۇراق. جوعالعان, ۇرلانعان سمارتفوندار نەگە تابىلمايدى? سٸزدٸڭ ورىنباسارلارىڭىز "سمارتفونداردى شاشىپ تاستايدى دا, قىرعىزستانعا الىپ كەتەدٸ, بٸز تابا المايمىز" دەيدٸ. ۋچاسكەلٸك پوليتسەي نەسٸنە ۋچاسكەلٸك پوليتسەي?!" - دەپ اشىندى ول.
دەپۋتات مەسەلە تەك ٶزٸنە قاتىستى ەمەس ەكەنٸن, حالىق مۇنداي جاعدايعا جيٸ تاپ بولاتىنىن ايتتى.
"يە, مۇنداي مەسەلە بار, كەمشٸلٸكتەر دە جوق ەمەس. بۇل باعىتتا جۇمىس جٷرٸپ جاتىر. كٷن سايىن ايتىلعان سىن-پٸكٸرلەر ەسكەرٸلەدٸ. ەربٸر قىلمىس بويىنشا تەرگەۋشٸ سەبەپتەرٸ مەن مەن-جايىن انىقتاپ, كەيٸن ٶزگە قىزمەتتەرگە جولدايدى. سۇراق ٶتە ورىندى, ماڭىزدى... قاراستىرامىز, تابامىز", - دەدٸ مينيستر.
