"الماتى سۋ" باس ديرەكتورىنىڭ ورىنباسارى جەنە قىزىلوردا وبلىسىنىڭ كەسٸپكەرلٸك باسقارماسىنىڭ باسشىسى ۇستالدى, - دەپ حابارلايدى Dalanews.kz.
سىبايلاس جەمقورلىققا قارسى قىزمەت بيزنەسكە كەدەرگٸلەردٸ جويۋعا ەرەكشە نازار اۋدارىپ وتىر.
سونداي-اق, كەسٸپكەرلەردٸڭ قىزمەتٸنە, ونىڭ ٸشٸندە قىلمىستىق-قۇقىقتىق شارالاردى قولدانا وتىرىپ, زاڭسىز ارالاسۋدىڭ جولىن كەسۋ جۇمىسى اگەنتتٸكتٸڭ ەرەكشە باقىلاۋىندا.
الماتى قالاسى بويىنشا دەپارتامەنت وسى جۇمىس شەڭبەرٸندە اۋىر جەمقورلىق قىلمىس جاساۋدا "الماتى سۋ" شجق مكك باس ديرەكتورىنىڭ ورىنباسارى ەشكەرەلەندٸ.
ول جەرگٸلٸكتٸ كەسٸپكەردەن ورىندالعان جۇمىستاردىڭ اكتٸلەرٸنە قول قويعانى جەنە جاسالعان مەملەكەتتٸك ساتىپ الۋ شارتتارى بويىنشا اقشالاي قاراجات تٶلەگەنٸ ٷشٸن 345 ميلليون تەڭگە كٶلەمٸندەگٸ بۇرىن كەلٸسٸلگەن سومادان 75 ميلليون تەڭگە العان.
قىزىلوردا وبلىسى بويىنشا سىبايلاس جەمقورلىققا قارسى قىزمەت وبلىستىق كەسٸپكەرلٸك جەنە ٶنەركەسٸپ باسقارماسىنىڭ باسشىسىن جالپى قامقورلىعى مەن كەلٸسٸمشارتتى ۇزارتۋعا, جەر قويناۋىن ٶندٸرۋ كٶلەمٸن ۇلعايتۋ رۇقساتىنا قول قويعانى ٷشٸن ايتارلىقتاي مٶلشەردە پارا الدى دەگەن كٷدٸك بويىنشا ۇستادى.
كٷدٸكتٸلەرگە قاتىستى سوتتىڭ سانكتسيياسىمەن "قاماۋدا ۇستاۋ" تٷرٸندەگٸ بۇلتارتپاۋ شاراسى قولدانىلدى.
بۇل ٸستەر بويىنشا تەرگەۋ جالعاسىپ جاتىر.
