"Almaty Sý" bas direktorynyń orynbasary jáne Qyzylorda oblysynyń kásipkerlik basqarmasynyń basshysy ustaldy, - dep habarlaidy Dalanews.kz.
Sybailas jemqorlyqqa qarsy qyzmet bizneske kedergilerdi joiýǵa erekshe nazar aýdaryp otyr.
Sondai-aq, kásipkerlerdiń qyzmetine, onyń ishinde qylmystyq-quqyqtyq sharalardy qoldana otyryp, zańsyz aralasýdyń jolyn kesý jumysy agenttiktiń erekshe baqylaýynda.
Almaty qalasy boiynsha departament osy jumys sheńberinde aýyr jemqorlyq qylmys jasaýda "Almaty Sý" ShJQ MKK bas direktorynyń orynbasary áshkerelendi.
Ol jergilikti kásipkerden oryndalǵan jumystardyń aktilerine qol qoiǵany jáne jasalǵan memlekettik satyp alý sharttary boiynsha aqshalai qarajat tólegeni úshin 345 million teńge kólemindegi buryn kelisilgen somadan 75 million teńge alǵan.
Qyzylorda oblysy boiynsha Sybailas jemqorlyqqa qarsy qyzmet oblystyq kásipkerlik jáne ónerkásip basqarmasynyń basshysyn jalpy qamqorlyǵy men kelisimshartty uzartýǵa, jer qoinaýyn óndirý kólemin ulǵaitý ruqsatyna qol qoiǵany úshin aitarlyqtai mólsherde para aldy degen kúdik boiynsha ustady.
Kúdiktilerge qatysty sottyń sanktsiiasymen "qamaýda ustaý" túrindegi bultartpaý sharasy qoldanyldy.
Bul ister boiynsha tergeý jalǵasyp jatyr.
