قازاقستاندا رەسپۋبليكالىق ماڭىزى بار اۆتوجولداردىڭ نەبەرٸ 12 پايىزى عانا قاۋٸپسٸزدٸك تالاپتارىنا تولىق ساي كەلەدٸ. ال جول-كٶلٸك وقيعالارىنىڭ باسىم بٶلٸگٸ – شامامەن 85 پايىزى ەلدٸ مەكەندەر اۋماعىندا تٸركەلەدٸ. بۇل تۋرالى قر ٸشكٸ ٸستەر مينيسترٸ ەرجان سەدەنوۆ مەلٸمدەدٸ, دەپ حابارلايدى Dalanews.kz.
"قازٸرگٸ تاڭدا ەنٸ تٶرت جەنە ودان دا كٶپ جولاقتان تۇراتىن 6 مىڭ شاقىرىمنان استام اۆتوجول سالۋ قاجەت. ەسٸرەسە ەلدٸ مەكەندەر ارقىلى ٶتەتٸن جول بٶلٸكتەرٸندەگٸ قاۋٸپسٸزدٸك مەسەلەسٸ ٶتكٸر تۇر. وسى ايماقتاردا 59 جەراستى جەنە 119 جەرٷستٸ جاياۋ جٷرگٸنشٸلەر ٶتكەلٸ, شامامەن 600 باعدارشام, مىڭ شاقىرىمنان استام جاياۋ جٷرگٸنشٸلەر قورشاۋى, 15 مىڭ شاقىرىم جارىقتاندىرۋ جەنە 70 مىڭ شاقىرىم تروتۋار سالۋ جوسپارلانىپ وتىر. بۇدان بٶلەك, 2 800 شاقىرىم ۆەلوسيپەد جولى سالىنادى", – دەدٸ سەدەنوۆ.
مينيستردٸڭ ايتۋىنشا, بۇل مەسەلەلەر ٶتكەن ايدا ٷكٸمەت وتىرىسىندا قارالىپ, ناقتى تاپسىرمالار بەرٸلٸپ, ورىندالۋ مەرزٸمٸ بەكٸتٸلگەن.
سونداي-اق ەرجان سەدەنوۆ پاترۋلدٸك قىزمەتتە شتات تاپشىلىعى بار ەكەنٸن اتاپ ٶتتٸ. ونىڭ سٶزٸنشە, دەل وسى قىزمەت جول قوزعالىسى قاۋٸپسٸزدٸگٸن جەنە قوعامدىق تەرتٸپتٸ قامتاماسىز ەتەدٸ, الايدا حالىق پەن كٶلٸك سانىنىڭ ارتۋىنا بايلانىستى كادرلار جەتٸسپەيدٸ.
"قوسىمشا 8 200 قىزمەتكەر قاجەت. قازٸر بار بولعانى 13 مىڭ باعىتتىڭ ٷشتەن بٸرٸ عانا قامتىلىپ وتىر – 4,3 مىڭ مارشرۋت. ەكٸمدەرگە قوسىمشا قارجى كٶزدەرٸن تابۋ تاپسىرىلدى", – دەدٸ ٸٸم باسشىسى.
