– بۇل زالدا ٷكٸمەت پەن پروكۋراتۋرا ٶكٸلدەرٸ دە وتىر. ٷكٸمەتتٸڭ حالىققا نەسيە الماۋعا قاتىستى جاناشىرلىقپەن كەڭەس بەرگەنٸ دۇرىس, بٸراق اش ادام اقىلدى تىڭداۋشى ما ەدٸ? ايتىڭىزدارشى, قىمباتشىلىق القىمنان الىپ, تۇنشىقتىرعاندا كٸم كەڭەستٸ تىڭدايدى? سوندىقتان حالىقتان قارىز ٶندٸرۋ تاقىرىبىنا قاتىستى مىنا مەسەلەنٸ كٶتەرگٸم كەلەدٸ.
كەزٸندە بانك سەكتورىن جاقسارتامىز دەگەن جەلەۋمەن ۇلتتىق قوردان تريلليونداعان تەڭگە الىنعانىن بٸلەمٸز. سونى پروكۋراتۋرانىڭ قازىناعا قايتارۋىن تالاپ ەتەمٸن!
ٷكٸمەتكە ايتارىم, سٸزدەر حالىقتىڭ قارىزىن ەمەس, بٸرنەشە بانكتٸ بٸرٸكتٸرٸپ, قىرۋار ساۋىقتىرۋ قارجىسىن بٸر بانككە جيناستىرىپ, ونىڭ بارلىعىن سىپىرىپ-سيىرىپ الىپ كەتكەن نازارباەۆتىق وليگارحتارعا تيەسٸلٸ بانكتەردٸڭ حالىققا قارىزىن نەگە ٸزدەمەيسٸزدەر?
حالىقتان قارىزدى ٶندٸرٸپ العانشا, نازارباەۆتىڭ وليگارحتارىنا كٶمەك رەتٸندە بٶلگەن قارجىنى ٶندٸرٸپ الۋىمىز كەرەك, – دەپ باپي سۇراقتى تٶتەسٸنەن قويدى.
دەپۋتاتتىڭ پٸكٸرٸنشە, تريلليونداعان تەڭگەنٸ قايتارساق, وندا حالىقتىڭ بارلىق نەسيەسٸن 20 ەسە جاۋىپ تاستاۋعا بولادى.
مۇنىمەن قوسا ەرمۇرات باپي اكتيۆتەردٸ ٶندٸرٸپ الۋ تۋرالى زاڭنىڭ قالاي ورىندالىپ جاتقانىن سۇراپ, اكتيۆتەردٸ قايتارۋ جٶنٸندەگٸ كوميسسييانىڭ قۇرامىندا بولعان ازاماتتىق قوعام ٶكٸلدەرٸنٸڭ ەسٸمدەرٸن اتادى.
«اكتيۆتەردٸ ەلگە قايتارامىز دەپ زاڭ قابىلدادىق. زاڭ قالاي ورىندالىپ جاتىر? ٶتكەندە ۋەكٸلەتتٸ ورگاننىڭ قۇرىلعانى حابارلاندى. بٸراق ول حابار ماردىمسىز بولدى. پرەزيدەنتتٸڭ تاپسىرماسىمەن سول اكتيۆتەردٸ قايتارۋ كوميتەتٸنە 130 ادام مٷشە بولعان. قازٸر 30-40 ادام دەگەن اقپارات بار. كوميتەتتە ناقتى قانشا ادام بار? كوميسسييانىڭ قۇرامىندا ازاماتتىق قوعام ٶكٸلدەرٸنەن كٸمدەر بار?» - دەدٸ دەپۋتات.
باس پروكۋروردىڭ ورىنباسارى جاندوس ٶمٸراليەۆ اكتيۆتەردٸ قايتارۋ جۇمىستارى رەتٸمەن جٷرٸپ جاتقانىن, الداعى ۋاقىتتا مٷلكٸ تەركٸلەنگەن تۇلعالاردىڭ تٸزٸمٸ جارييا ەتٸلەتٸنٸن ايتىپ, سەندٸردٸ.
"بيىل 5 قازاندا مەملەكەت باسشىسىنىڭ جارلىعىمەن كوميتەت قۇرىلدى. ونىڭ شتاتى دا بار. 900 ملرد-تان اسا تەڭگەنٸڭ بەرٸن مەملەكەتتٸڭ پايداسىنا قايتاردىق. سىرتتان شامامەن 600 ملن دوللار مەملەكەتكە اۋدارىلدى. اۋقىمدى جۇمىس ەلٸ جٷرگٸزٸلٸپ جاتىر. ونىڭ ٸشٸندە كٶپتەگەن جەر قايتارىلدى.
ەرينە, كوميسسييانىڭ ناقتى قۇرامى بار. وعان پارلامەنت دەپۋتاتتارى جەنە قوعامدىق بەلسەندٸ ازاماتتار كٸردٸ. ولاردىڭ اتى-جٶنٸن سٸزگە جەكە بەرەمٸن. كوميتەتتٸڭ رەەسترٸنە ناقتى قانداي تۇلعالاردىڭ كٸرگەنٸنە قاتىستى مەسەلە ەلٸ جابىق. بٸراق بۇل جۇمىس جٷرگٸزٸلٸپ جاتىر. بٸراق بٷگٸنگٸ رەگلامەنتتٸ ساقتاۋ ٷشٸن سٸزبەن جەكە كەزدەسٸپ, مەسەلە بويىنشا تولىق حابار بەرۋگە دايىنمىن", - دەدٸ ول.
