عالىمدار مەن دارىگەرلەر ۆاكسيناسيالانعانداردىڭ كوروناۆيرۋستى الدەقايدا از جۇقتىراتىنىن، ءتىپتى جۇقتىرعان جاعدايدا دا اۋرۋ جەڭىل ءوتىپ، ءولىم-جىتىمسىز اياقتالاتىنىن ايتادى.
ۆيرۋس ۇنەمى قۇبىلىپ وتىراتىنىن ەسكەرسەك، جۇرت يممۋنداۋدان نەعۇرلىم تەز وتسە، سوعۇرلىم ءقاۋىپتى اۋرۋدىڭ تارالۋىن توقتاتا الادى.
ەكپەنى ستاسيونارلاردا تاۋلىك بويى پاسيەنتتەردىڭ دەنساۋلىعى ءۇشىن كۇرەسىپ جۇرگەن مەديسينا قىزمەتكەرلەرى عانا ەمەس، سونىمەن قاتار قوعام قايراتكەرلەرى، سپورتشىلار، ارتىستەر، ەرىكتىلەر، تانىمال تۇلعالار مەن ەلوردا تۇرعىندارى دا قولدايدى.
ۆاكسيناسيانىڭ ارقاسىندا ۇجىمدىق يممۋنيتەتتى قالىپتاستىرىپ، قالىپتى ومىرگە ورالۋعا، ۇلكەن داستارحان باسىندا باس قوسۋعا، جاتتىعۋلارعا بارۋعا، سۇيىكتى جەرلەرىڭىزدە سەرۋەندەۋگە، دەنساۋلىعىڭىزعا الاڭداماي كەزدەسۋلەر وتكىزۋگە مۇمكىندىك بەرەدى.
«ۆاكسينا العاننان كەيىن ءوزىڭدى جايلى سەزىنەسىڭ، ويتكەنى، ءوزىڭدى وسىلاي قاۋىپتەن قورعايسىڭ. ۆاكسيناسيا – ءومىردى قالپىنا كەلتىرۋدىڭ جالعىز جولى. ءبارىنىڭ ۆاكسينا الۋىن كەڭەس ەتەمىن»، - دەدى ەلوردا تۇرعىنى گۇلشارات نۇرعالييەۆا.
ايتا كەتەيىك، بۇگىندە نۇر-سۇلتاندا كوروناۆيرۋسقا قارسى ۆاكسينانىڭ ءبىرىنشى كومپونەنتىن 376 مىڭنان استام ادام الدى، ال 295 مىڭنان استام ازامات تولىق يممۋنداۋدان ءوتتى.
