Ǵalymdar men dárigerler vaktsinatsiialanǵandardyń koronavirýsty áldeqaida az juqtyratynyn, tipti juqtyrǵan jaǵdaida da aýrý jeńil ótip, ólim-jitimsiz aiaqtalatynyn aitady.
Virýs únemi qubylyp otyratynyn eskersek, jurt immýndaýdan neǵurlym tez ótse, soǵurlym qaýipti aýrýdyń taralýyn toqtata alady.
Ekpeni statsionarlarda táýlik boiy patsientterdiń densaýlyǵy úshin kúresip júrgen meditsina qyzmetkerleri ǵana emes, sonymen qatar qoǵam qairatkerleri, sportshylar, ártister, eriktiler, tanymal tulǵalar men elorda turǵyndary da qoldaidy.
Vaktsinatsiianyń arqasynda ujymdyq immýnitetti qalyptastyryp, qalypty ómirge oralýǵa, úlken dastarhan basynda bas qosýǵa, jattyǵýlarǵa barýǵa, súiikti jerlerińizde serýendeýge, densaýlyǵyńyzǵa alańdamai kezdesýler ótkizýge múmkindik beredi.
«Vaktsina alǵannan keiin ózińdi jaily sezinesiń, óitkeni, ózińdi osylai qaýipten qorǵaisyń. Vaktsinatsiia – ómirdi qalpyna keltirýdiń jalǵyz joly. Báriniń vaktsina alýyn keńes etemin», - dedi elorda turǵyny Gúlsharat Nurǵalieva.
Aita keteiik, búginde Nur-Sultanda koronavirýsqa qarsy vaktsinanyń birinshi komponentin 376 myńnan astam adam aldy, al 295 myńnan astam azamat tolyq immýndaýdan ótti.
