"ءبارى كەنەتتەن بولدى. الدىمەن انام، سودان كەيىن اكەم اۋىرىپ قالدى. اكەمنىڭ دەنساۋلىعى 2 كۇن ىشىندە كۇرت ناشارلاپ كەتتى. ەكەۋى بىردەن كۆي اۋرۋحاناسىنا جاتقىزىلدى"، - دەيدى گۇلجان سىزدىقوۆا.
مارقۇمنىڭ جاقىندارىنىڭ ايتۋىنشا، ونىڭ ەش جەرى اۋىرماعان، ياعني دەنساۋلىعىندا كىنارات بولماعان.
"ءبىز ولاردى قولىمىزدان كەلگەنشە قورعادىق. ءبىراق وقشاۋلانۋدان شارشاپ، قىدىرا باستادى، دوستارىمەن، تۋىستارىمەن كورىستى. ءبىز ولارعا قانشا رەت اباي بولىڭدار، بارلىق كارانتين شاراسىن ساقتاڭدار دەپ ەسكەرتتىك.
ءالى كۇنگە دەيىن اكەمىزدىڭ ءومىرىن وسى ينفەكسيا جالماعانىنا سەنە الار ەمەسپىز. ءبىز قازاقستاندىقتارعا ۆيرۋس بار ەكەنىن جانە ونىڭ اسا ءقاۋىپتى ەكەنىن جەتكىزگىمىز كەلەدى. مۇنداي قايعىنى ەشكىمنىڭ باسىنا بەرمەسىن"، — دەيدى مارقۇمنىڭ بالالارى.
كوروناۆيرۋس ەر ادامنىڭ وكپە ورگانىن ءا دەگەننەن 36%-كە قابىندىرعان. سودان كەيىن تىنىس الۋ جەتىسپەۋشىلىگى پايدا بولىپ، وكپە ىسىنۋىمەن رەانيماسياعا جەتكىزىلدى.
"ءبىز ءبارى قالپىنا كەلىپ، جازىلىپ كەتەدى دەپ ويلادىق. ءبىراق ەكى اپتالىق كۇرەستەن كەيىن دارىگەرلەر بىزگە قايعىلى جاڭالىقتى جەتكىزدى — جۇرەگى شىداماي قايتىس بولدى. كوۆيدتىڭ كەسىرىنەن ءبىز ونىمەن دۇرىستاپ قوشتاسىپ، دەنەسىن ۇيگە اكەلە دە المادىق. بۇل ينفەكسيا بولعاندىقتان، ونى ءمايىتحانادان بىردەن زيراتقا الىپ كەتتى"، — دەدى مارقۇمنىڭ بالالارى.
دارىگەرلەر تەك ۆاكسينالاۋ ءسىزدىڭ جانە جاقىندارىڭىزدىڭ دەنساۋلىعىن قورعاۋعا مۇمكىندىك بەرەتىنىن ەسكە سالادى. ۇجىمدىق يممۋنيتەتتى قالىپتاستىرۋ ارقىلى عانا پاندەميانى جەڭۋگە بولادى.
