"Bári kenetten boldy. Aldymen anam, sodan keıin ákem aýyryp qaldy. Ákemniń densaýlyǵy 2 kún ishinde kúrt nasharlap ketti. Ekeýi birden KVI aýrýhanasyna jatqyzyldy", - deıdi Gúljan Syzdyqova.
Marqumnyń jaqyndarynyń aıtýynsha, onyń esh jeri aýyrmaǵan, ıaǵnı densaýlyǵynda kinárat bolmaǵan.
"Biz olardy qolymyzdan kelgenshe qorǵadyq. Biraq oqshaýlanýdan sharshap, qydyra bastady, dostarymen, týystarymen kóristi. Biz olarǵa qansha ret abaı bolyńdar, barlyq karantın sharasyn saqtańdar dep eskerttik.
Áli kúnge deıin ákemizdiń ómirin osy ınfeksıa jalmaǵanyna sene alar emespiz. Biz qazaqstandyqtarǵa vırýs bar ekenin jáne onyń asa qaýipti ekenin jetkizgimiz keledi. Mundaı qaıǵyny eshkimniń basyna bermesin", — deıdi marqumnyń balalary.
Koronavırýs er adamnyń ókpe organyn á degennen 36%-ke qabyndyrǵan. Sodan keıin tynys alý jetispeýshiligi paıda bolyp, ókpe isinýimen reanımasıaǵa jetkizildi.
"Biz bári qalpyna kelip, jazylyp ketedi dep oıladyq. Biraq eki aptalyq kúresten keıin dárigerler bizge qaıǵyly jańalyqty jetkizdi — júregi shydamaı qaıtys boldy. Kovıdtiń kesirinen biz onymen durystap qoshtasyp, denesin úıge ákele de almadyq. Bul ınfeksıa bolǵandyqtan, ony máıithanadan birden zıratqa alyp ketti", — dedi marqumnyń balalary.
Dárigerler tek vaksınalaý sizdiń jáne jaqyndaryńyzdyń densaýlyǵyn qorǵaýǵa múmkindik beretinin eske salady. Ujymdyq ımýnıtetti qalyptastyrý arqyly ǵana pandemıany jeńýge bolady.
