ءمينيستردىڭ ايتۋىنشا، سوڭعى 14 كۇندە قازاقستاندا اۋرۋ جۇقتىرعاندار ءوسىمى 35 پايىزعا تومەندەگەن. ال سوڭعى اپتادا اۋرۋشاڭدىق دەڭگەيى 14 پايىزعا، ياعني اپتاسىنا 31 مىڭنان 25 مىڭ ادامعا دەيىن ازايعان.
"دۇنيەجۇزىلىك دەنساۋلىق ساقتاۋ ۇيىمىنىڭ باعالاۋىنشا، ەلىمىزدە رەپرودۋكتيۆتى سان سوڭعى 4 اپتا بويى تومەن، بۇل ىندەتتىڭ باقىلاۋدا ەكەنىن بىلدىرەدى جانە اۋرۋ جۇقتىرۋ دەڭگەيى تۇراقتى تۇردە تومەندەپ كەلەدى"، - دەدى سوي ۇكىمەت وتىرىسىندا.
مينيستر ەپيدەميولوگيالىق جاعدايدى باعالاۋ ماتريساسىندا دا وڭ ءۇردىس بايقالىپ وتىرعانىن اتاپ ءوتتى.
سوي مالىمەتىنشە، سوڭعى ەكى اپتادا 5 ءوڭىر "قىزىل" ايماقتان "سارىعا" اۋىسقان، اتاپ ايتقاندا: شىعىس قازاقستان، جامبىل، قىزىلوردا، باتىس قازاقستان جانە سولتۇستىك قازاقستان وبلىستارى.
"جاسىل" ايماقتا تۇركىستان وبلىسى عانا تۇر. قالعان 11 ءوڭىر "قىزىل" ايماقتا.
سوي ەپيدەميولوگيالىق جاعدايدىڭ تۇراقتانۋىنا بايلانىستى وڭىرلەردە ينفەكسيالىق توسەك-ورىنداردى ازايتۋ جۇمىسى ءجۇرىپ جاتقانىن مالىمدەدى. توسەك-ورىن قورى بارلىعى 12 211 توسەككە قىسقارعان.
