كونە قۇرالداردى "جاڭا" دەپ ساتىپ الۋمەن اينالىسقان اۋرۋحانالار اشكەرەلەندى

Dalanews 09 ءساۋ. 2024 20:43 1451

بۇل تۋرالى وڭىرلىك كوممۋنيكاسيالار قىزمەتى الاڭىندا وتكەن بريفينگتە شقو بويىنشا سىبايلاس جەمقورلىققا قارسى قىزمەتتىڭ باسشىسى دەنيس شاكەنوۆ مالىمدەدى، دەپ حابارلايدى Dalanews.kz.

شىعىس قازاقستاننىڭ سىبايلاس جەمقورلىققا قارسى قىزمەتى دەنساۋلىق ساقتاۋ سالاسىنداعى ءبىرقاتار سىبايلاس جەمقورلىق ارەكەتتەرىن انىقتاپ وتىر.

مىسالى، وبلىستىڭ ءبىرقاتار مەديسينالىق مەكەمەسى جاڭا مەديسينالىق جابدىقتاردىڭ ورنىنا ەسكىسىن العان. مەديسينالىق تەحنيكاعا قويىلاتىن نورماتيۆتىك تالاپتارعا ساي ولار جاڭا، پايدالانىلماعان بولۋعا ءتيىس جانە جەتكىزۋ ساتىنە دەيىنگى 24 اي ىشىندە وندىرىلۋگە ءتيىس.

الايدا، وسكەمەندەگى انا مەن بالا ورتالىعى جانە شق وبلىستىق اۋرۋحاناسى اتالعان تالاپتارعا سايكەس كەلمەيتىن جابدىقتار العان. مۇنداي جابدىقتى قابىلداۋ ونىڭ دۇرىس جۇمىس ىستەمەۋىنە، ەرتە توزۋىنا، تەحنيكالىق ەسكىرۋىنە اكەلۋى ابدەن مۇمكىن.

– انىقتالعان فاكتىلەر بويىنشا كىنالى تۇلعالارعا قاتىستى شارالار قابىلداۋ ءۇشىن قىزمەتتىك تەكسەرۋلەر باستالدى. انىقتالعان سىبايلاس جەمقورلىق تاۋەكەلدەرىن جويۋ جانە الداعى ۋاقىتتا مۇنداي بۇزۋشىلىقتارعا جول بەرمەۋ ماقساتىندا ارنايى ۇسىنىمدار دايىندالىپ، قۇزىرلى ورگاندارعا جولداندى، – دەپ اتاپ ءوتتى دەنيس شاكەنوۆ.

 


ۇسىنىلعان
سوڭعى جاڭالىقتار