Bul týraly Óńirlik kommýnikatsiialar qyzmeti alańynda ótken brifingte ShQO boiynsha Sybailas jemqorlyqqa qarsy qyzmettiń basshysy Denis Shakenov málimdedi, dep habarlaidy Dalanews.kz.
Shyǵys Qazaqstannyń sybailas jemqorlyqqa qarsy qyzmeti densaýlyq saqtaý salasyndaǵy birqatar sybailas jemqorlyq áreketterin anyqtap otyr.
Mysaly, oblystyń birqatar meditsinalyq mekemesi jańa meditsinalyq jabdyqtardyń ornyna eskisin alǵan. Meditsinalyq tehnikaǵa qoiylatyn normativtik talaptarǵa sai olar jańa, paidalanylmaǵan bolýǵa tiis jáne jetkizý sátine deiingi 24 ai ishinde óndirilýge tiis.
Alaida, Óskemendegi Ana men bala ortalyǵy jáne ShQ oblystyq aýrýhanasy atalǵan talaptarǵa sáikes kelmeitin jabdyqtar alǵan. Mundai jabdyqty qabyldaý onyń durys jumys istemeýine, erte tozýyna, tehnikalyq eskirýine ákelýi ábden múmkin.
– Anyqtalǵan faktiler boiynsha kináli tulǵalarǵa qatysty sharalar qabyldaý úshin qyzmettik tekserýler bastaldy. Anyqtalǵan sybailas jemqorlyq táýekelderin joiý jáne aldaǵy ýaqytta mundai buzýshylyqtarǵa jol bermeý maqsatynda arnaiy usynymdar daiyndalyp, quzyrly organdarǵa joldandy, – dep atap ótti Denis Shakenov.
