الماتىدا بلوگەر ەرٸ زاڭگەر ەدٸلەتحان مولداحانعا قاتىستى سوت پروتسەسٸ جالعاسىپ جاتىر, دەپ حابارلايدى dalanews.kz.
بٷگٸن الماتى قالاسىنىڭ المالى اۋداندىق سوتىندا قىلمىستىق ٸس بويىنشا كەزەكتٸ سوت وتىرىسى ٶتتٸ. سوت بارىسىندا پروكۋرور ايىپتاۋ اكتٸسٸن جارييالاعان. سونداي-اق, جەبٸرلەنۋشٸلەردٸڭ بٸرٸ - الماتى قالاسى پوليتسييا باسقارماسىنىڭ بۇرىنعى باسشىسى شۋماەۆتان جاۋاپ الىنعان.
ٸس بويىنشا الماتى قالالىق پوليتسييا دەپارتامەنتٸ باسشىسىنىڭ ورىنباسارى ۇزاباەۆتىڭ مٷددەسٸن ادۆوكات اسىلبەك ەبدٸرايىموۆ قورعاپ جاتىر.
ادۆوكاتتىڭ ايتۋىنشا, تاراپتار اراسىندا تاتۋلاسۋ كەلٸسٸمٸنە قول جەتكٸزٸلمەگەن جەنە كەلتٸرٸلگەن شىعىن ٶتەلمەگەن.
وسىعان بايلانىستى سوتقا 10 ميلليون تەڭگە كٶلەمٸندە مورالدىق شىعىن ٶندٸرۋ جەنە زاڭگەرلٸك كٶمەككە جۇمسالعان 1 ميلليون تەڭگە شىعىندى ٶتەۋ تۋرالى ازاماتتىق تالاپ-ارىز بەرٸلگەن.
ايتا كەتەيٸك, بۇل ٸس قازاقستان رەسپۋبليكاسى قىلمىستىق كودەكسٸنٸڭ 274-بابى 2-بٶلٸگٸ 3-تارماعى بويىنشا قارالىپ جاتىر. ادۆوكاتتىڭ پٸكٸرٸنشە, بۇل جاعداي جەكەلەگەن لاۋازىمدى تۇلعالاردىڭ بەدەلٸنە عانا ەمەس, مەملەكەتتٸك ورگاندار مەن قۇقىق قورعاۋ جٷيەسٸنە دەگەن قوعامدىق سەنٸمگە دە ەسەر ەتەدٸ.
سوت تالقىلاۋى جالعاسىپ جاتىر.
