كەلەستەگٸ "التىن كٷز - 2018" جەرمەڭكەسٸ جىلدىڭ جەمٸستٸ بولعانىن پاش ەتتٸ
شارا بارىسىندا اۋىل شارۋاشىلىعى ٶنٸمدەرٸنٸڭ جەرمەڭكەسٸ, تٷرلٸ كٶكٶنٸستەر ورنالاستىرىلىپ, ارزانداتىلعان باعادا جەرمەڭكەگە كەلگەن قوناقتارعا ٷلەستٸرٸلدٸ.
ٸس-شارادا سٶز العان اۋدان ەكٸمٸنٸڭ ورىنباسارى ا.جاڭبىرباەۆ: «2018 جىلى كەلەس اۋدانى بويىنشا 7066 گەكتارى استىق, 209,5 گەكتارى مايلى داقىلدار, 1898,5 گەكتارى باقشا داقىلدارى, 2163,6 گەكتارى كارتوپ, 7129 گەكتارى كٶكٶنٸس داقىلدارى, 3875 گەكتارى مال ازىقتىق داقىلدار, بارلىعى بولىپ 23127 گەكتار جەرگە ەگٸس ەگٸلدٸ. بٷگٸنگٸ تاڭعا وسى ەگٸس القاپتارىندا ٶندٸرٸلگەن ٶنٸم تولىق جيناپ الىندى.
اۋدان تۇرعىندارىنىڭ قاجىرلى ەڭبەگٸنٸڭ نەتيجەسٸندە: بيىلعى جىلى 27071,1 توننا استىق, 49785 توننا باقشا ٶنٸمدەرٸ, 47228,8 توننا كارتوپ, 648,6 توننا مايلى داقىلدار دەنٸ, 10956,2 توننا جەمٸس, 16879,8 توننا جٷزٸم, 180120,1 توننا كٶكٶنٸس ٶنٸمدەرٸ ٶندٸرٸلدٸ. ٶندٸرٸلگەن كٶكٶنٸستٸڭ 10336,1 تونناسى جابىق توپىراق جاعدايىندا ٶندٸرٸلدٸ. ٶتكەن جىلمەن سالىستىرعاندا ٶندٸرٸلگەن ٶنٸم كٶلەمٸ ٶنٸمنٸڭ بارلىق تٷرٸ بويىنشا ارتقانىن» اتاپ ٶتتٸ.
سونداي-اق كەلەس اۋدانى ەكٸمٸ ا.ەسباەۆ اۋدان شارۋالارىن اتالىپ ٶتٸپ جاتقان «التىن كٷز – 2018» شاراسىمەن قۇتتىقتاپ, اۋىل شارۋاشىلىعى سالاسىنىڭ ٷزدٸكتەرٸ ماراپاتتادى.
شارا بارىسىندا كەلەس اۋداندىق مەدەنيەت ٷيٸنٸڭ قىزمەتكەرلەرٸ تاراپىنان تٷرلٸ ساحنالىق كٶرٸنٸستەر قويىلىپ, كونتسەرتتٸك باعدارلامالار ۇيىمداستىرىلدى.
