Kelestegi "Altyn kúz - 2018" jármeńkesi jyldyń jemisti bolǵanyn pash etti
Shara barysynda aýyl sharýashylyǵy ónimderiniń jármeńkesi, túrli kókónister ornalastyrylyp, arzandatylǵan baǵada jármeńkege kelgen qonaqtarǵa úlestirildi.
Is-sharada sóz alǵan aýdan ákiminiń orynbasary A.Jańbyrbaev: «2018 jyly Keles aýdany boiynsha 7066 gektary astyq, 209,5 gektary maily daqyldar, 1898,5 gektary baqsha daqyldary, 2163,6 gektary kartop, 7129 gektary kókónis daqyldary, 3875 gektary mal azyqtyq daqyldar, barlyǵy bolyp 23127 gektar jerge egis egildi. Búgingi tańǵa osy egis alqaptarynda óndirilgen ónim tolyq jinap alyndy.
Aýdan turǵyndarynyń qajyrly eńbeginiń nátijesinde: biylǵy jyly 27071,1 tonna astyq, 49785 tonna baqsha ónimderi, 47228,8 tonna kartop, 648,6 tonna maily daqyldar dáni, 10956,2 tonna jemis, 16879,8 tonna júzim, 180120,1 tonna kókónis ónimderi óndirildi. Óndirilgen kókónistiń 10336,1 tonnasy jabyq topyraq jaǵdaiynda óndirildi. Ótken jylmen salystyrǵanda óndirilgen ónim kólemi ónimniń barlyq túri boiynsha artqanyn» atap ótti.
Sondai-aq Keles aýdany ákimi A.Esbaev aýdan sharýalaryn atalyp ótip jatqan «Altyn kúz – 2018» sharasymen quttyqtap, aýyl sharýashylyǵy salasynyń úzdikteri marapattady.
Shara barysynda Keles aýdandyq mádeniet úiiniń qyzmetkerleri tarapynan túrli sahnalyq kórinister qoiylyp, kontserttik baǵdarlamalar uiymdastyryldy.
