بۇگىندە كەلەس اۋدانىنداعى مەكتەپتەردىڭ سانى – 63، ونىڭ ىشىندە تيپتىك مەكتەپتەر – 41 بولسا، ىڭعايلاستىرىلعانى 22 بىرلىكتى قۇراپ وتىر. 2018 جىلى مەكتەپ ءبىتىرۋشى 1835 وقۋشىنىڭ 1013 ۇبت سىناعىنا قاتىسىپ، 55،2 پايىزدى قۇرادى. ورتاشا بالل 70،2 پايىزدى قۇرادى.



2018 وقۋ جىلىندا اۋدان بيۋدجەتىنەن 456،7 ملن تەڭگە قارجى قارالىپ 9 مەكتەپتە كۇردەلى جوندەۋ جۇمىستارى جۇرگىزىلىپ تامىز ايىندا پايدالانۋعا بەرىلدى. ق ر ءبىلىم جانە عىلىم مينيسترلىگىنىڭ ۇيىمداستىرۋىمەن 2018 جىل، 2 قازاندا وتكەن  «2018 جىلدىڭ ۇزدىك پەداگوگى» رەسپۋبليكالىق كونكۋرسىندا  №100 «ءا.جانگەلدين» جالپى ورتا مەكتەبىنىڭ قازاق ءتىلى مەن ادەبيەتى پاندەرىنىڭ ءمۇعالىمى س.كايۋپوۆا جەڭىمپاز بولدى.

«بالاپان» باعدارلاماسى اياسىندا مەكتەپكە دەيىنگى ۇيىمدار سانى – 88. ونىڭ ىشىندە، مەملەكەتتىك بالاباقشالار سانى – 12، شاعىن ورتالىقتار سانى – 7، مەملەكەتتىك-جەكەمەنشىك سەرىكتەستىك نەگىزدەگى بالاباقشالار سانى –  69.

3-6 جاس ارالىعىنداعى بالالار 9255 بولسا، مەكتەپكە دەيىنگى مەكەمەلەردە بالالاردى قامتۋ 94،2 پايىزدى قۇرادى.

مادەنيەت سالاسىندا جىل باسىنان بەرى 465 ءىس-شارالار وتكىزىلىپ، 58255 كورەرمەن قاتىستىرىلدى.  سپورت سالاسىندا 140 ءىس-شارالار ۇيىمداستىرىلىپ، وعان 15 400 ادام تارتىلعان.

 

Dalanews.kz