وزبەكستاندا وتكەن گىر كوتەرۋدەن الەم چەمپيوناتىندا قازاقستان قۇراماسى ساپىندا ەل نامىسىن قورعاعان الماتى وبلىسى، كەگەن اۋدانىنىڭ تۋماسى، ازاماتتىق قورعاۋ لەيتەنانتى داۋرەن قادىر كۇمىس جۇلدەگەر اتاندى،- دەپ حابارلايدى Dalanews.kz
جارىسقا 20-دان استام ەلدەن 700-گە جۋىق سپورتشى قاتىسقان. ولاردىڭ اراسىندا الماتى وبلىسىنىڭ كەگەن اۋدانىنىڭ توتەنشە جاعدايلار ءبولىمىنىڭ اعا ينجەنەرى، ازاماتتىق قورعاۋ لەتەينانتى قادىر داۋرەن گىر كوتەرۋ باسەكەسىندە ەرەسەكتەر اراسىندا 68 سالماقپەن ءىى ورىن يەلەنىپ، كۇمىس مەدالدى قانجىعاسىنا بايلادى.
قازاقستان رەسپۋبليكاسىنىڭ سپورت شەبەرى نەگىزى بۇل سايىسقا تولىققاندى دايىندىقپەن بارعان، جەڭىسكە قول جەتكىزۋ كەزىندە 2 ۇپاي جەتپەي قالعاندىعىن ايتادى.
21 جاسار سپورتشى بۇعان دەيىندە قىرعىز ەلىندە 25 ەلدىڭ 800-دەن استام سپورتشىسىنان قۇرالعان الەم چەمپيوناتىندا وسى سپورت تۇرىنەن كۇمىسكە يە بولعان. 4 جىلدان بەرى رەسپۋبليكالىق، وبلىستىق جارىستارعا قاتىسىپ كەلە جاتقان جەڭىمپاز سايىستاردان جۇلدەلى ورىنسىز ورالماعان.
ايتا كەتۋ كەرەك، جاس سپورتشى قازاق كۇرەسىمەن شۇعىلدانىپ، قازاقستان رەسپۋبليكاسىنىڭ قولا مەدالىن يەمدەنگەن. مالىك عابدۋللين اكادەمياسىندا ءورت قاۋىپسىزدىگى ماماندىعى بويىنشا ءبىلىم الىپ، ونى ۇزدىككە بىتىرگەن تۇلەك ق ر توتەنشە جاعدايلار ءمينيترى شىڭعىس سايران ۇلى ءارىنوۆتىڭ قولىنان العاشقى ارنايى لەيتەنانت شەنىن العان. الداعى ۋاقىتتا وسىنداي الەمدىك ارەناداعى بايراقتى بايگەلەردە ءوز نامىسىن بەرمەي، جۇلدەگەر اتاناتىنىنا سەنىمدى.
