Ózbekstanda ótken gir kóterýden álem chempionatynda Qazaqstan quramasy sapynda el namysyn qorǵaǵan Almaty oblysy, Kegen aýdanynyń týmasy, azamattyq qorǵaý leitenanty Dáýren Qadyr kúmis júldeger atandy,- dep habarlaidy Dalanews.kz
Jarysqa 20-dan astam elden 700-ge jýyq sportshy qatysqan. Olardyń arasynda Almaty oblysynyń Kegen aýdanynyń tótenshe jaǵdailar bóliminiń aǵa injeneri, azamattyq qorǵaý leteinanty Qadyr Dáýren gir kóterý básekesinde eresekter arasynda 68 salmaqpen II oryn ielenip, kúmis medaldi qanjyǵasyna bailady.
Qazaqstan respýblikasynyń sport sheberi negizi bul saiysqa tolyqqandy daiyndyqpen barǵan, jeńiske qol jetkizý kezinde 2 upai jetpei qalǵandyǵyn aitady.
21 jasar sportshy buǵan deiinde Qyrǵyz elinde 25 eldiń 800-den astam sportshysynan quralǵan álem chempionatynda osy sport túrinen kúmiske ie bolǵan. 4 jyldan beri respýblikalyq, oblystyq jarystarǵa qatysyp kele jatqan jeńimpaz saiystardan júldeli orynsyz oralmaǵan.
Aita ketý kerek, jas sportshy qazaq kúresimen shuǵyldanyp, Qazaqstan respýblikasynyń qola medalin iemdengen. Málik Ǵabdýllin akademiiasynda órt qaýipsizdigi mamandyǵy boiynsha bilim alyp, ony úzdikke bitirgen túlek QR Tótenshe jaǵdailar minitri Shyńǵys Sairanuly Árinovtyń qolynan alǵashqy arnaiy leitenant shenin alǵan. Aldaǵy ýaqytta osyndai álemdik arenadaǵy bairaqty báigelerde óz namysyn bermei, júldeger atanatynyna senimdi.
