Almatyda bloger ári kásipker Saýle Ermahanova plastikalyq operatsiiadan keiin qaitys boldy. Qaiǵyly jaǵdai týraly marqumnyń qyzy áleýmettik jelide málimdedi, dep habarlaidy dalanews.kz.
Týystarynyń aitýynsha, 15 mamyr kúni Saýle Ermahanova jeke klinikaǵa josparly liposaktsiia jasatýǵa barǵan. Dárigerler ota jergilikti anesteziiamen ótip, shamamen bir jarym saǵatqa sozylatynyn aitqan. Alaida operatsiia birneshe saǵatqa jalǵasqan.
Marqumnyń qyzynyń sózinshe, týystaryna uzaq ýaqyt boiy eshqandai aqparat berilmegen.
«Bir saǵat. Bir jarym. Eki. Úsh. Suraqtarǵa jaýap bermedi. Tek únsiz otyrdy», – dep jazdy ol.
Onyń aitýynsha, anasynyń qaitys bolǵanyn otbasy tek keshki saǵat 18:00 shamasynda bilgen. Al jedel járdem klinikaǵa tek 19:00-de kelgen. Týystary operatsiia bólmesinde naqty ne bolǵanyn jáne áieldi qutqarý úshin qandai sharalar jasalǵanyn áli kúnge deiin túsinbei otyrǵandaryn aitty.
Marqumnyń jaqyndary klinikanyń jańa klientterdi qabyldaýdy toqtatpaǵanyna da narazylyq bildirgen. Qyzynyń aitýynsha, otbasynyń tanystary ózderin klient retinde tanystyryp, klinikaǵa habarlasqan. Sol kezde olarǵa kelesi aptaǵa operatsiiaǵa jazylý usynylǵan.
Qazir týystarynyń málimetinshe, qylmystyq is qozǵalǵan. Otbasy jaǵdaidyń ádil tergelýin jáne barlyq mán-jai anyqtalǵanǵa deiin klinika jumysyn ýaqytsha toqtatýdy talap etip otyr.
Almaty qalalyq politsiia departamenti Bostandyq aýdany politsiia basqarmasy atalǵan derek boiynsha qylmystyq is qozǵaǵanyn rastady. Politsiia málimetinshe, qazir sotqa deiingi tergeý aiasynda barlyq qajetti tergeý amaldary júrgizilip jatyr.
«Sotqa deiingi tergeý barysynda qajetti tergeý is-sharalarynyń kesheni júrgizilýde. Onyń nátijesi boiynsha túpkilikti protsessýaldyq sheshim qabyldanady», – dep habarlady Almaty politsiia departamenti.
