Óskemende respýblikalyq «Taza Qazaqstan» ekologiialyq bastamasy aiasynda uiymdastyrylǵan «Qala kórkin saqtaiyq!» jastar aktsiiasy ótti. Igi shara barysynda eriktiler men stýdent jastar qaladaǵy «Sáýletai» saiabaǵynyń aýmaǵyn tazartty, dep habarlaidy dalanews.kz.
«Sáýletai» saiabaǵy – turǵyndar jii serýendeitin, balalardyń oiyn-kúlkisi úzilmeitin shahardaǵy tanymal demalys oryndarynyń biri. Kóktem men jaz ailarynda munda kelýshiler sany artyp, otbasylyq tynyǵý ornyna ainalady.
Ekologiialyq aktsiiaǵa Jastar resýrstyq ortalyǵynyń eriktileri, qalalyq volonterler front-ofisiniń músheleri men stýdentter belsendi qatysty. Olar saiabaq aýmaǵyndaǵy qoqystardy jinap, qýraǵan butaqtardy tazartty. Sondai-aq, balalar oiyn alańdary men ashyq aspan astyndaǵy jattyǵý qurylǵylaryn shań-tozańnan tazartyp, retke keltirdi.
– Bizdiń basty maqsatymyz – qala tazalyǵyn saqtaý, turǵyndardyń qorshaǵan ortaǵa degen jaýapkershiligin arttyrý jáne jastardy ekologiialyq mádenietke baýlý, – deidi Óskemen joǵary meditsinalyq kolledjiniń stýdenti, erikti Baidaýlet Áshimov.
Uiymdastyrýshylar mundai bastamalar qorshaǵan ortany taza ustaýǵa ǵana emes, jastardyń qoǵamdyq belsendiligin arttyryp, tabiǵatqa janashyr kózqaras qalyptastyrýǵa da yqpal etetinin atap ótti.
