الەۋمەتتىك جەلىلەردە اگەنتتىكتىڭ باس رەداكتورى امير قاسەنوۆتىڭ ۇستالعانى تۋرالى اقپارات تارادى. پوليسيا بۇل دەرەكتى راستادى: ول كەشە، 23 جەلتوقساندا ۇستالىپ، استانا قالاسى پوليسيا دەپارتامەنتىنىڭ ۋاقىتشا ۇستاۋ يزولياتورىنا قامالعان، دەپ حابارلايدى Dalanews.kz.
ۇستاۋعا جەكە كومپانيانىڭ ارىزى نەگىزىندە باستالعان سوتقا دەيىنگى تەرگەۋ سەبەپ بولعان. تەرگەۋ نۇسقاسىنا سايكەس، كازتاگ بىرنەشە رەت ادەيى جالعان اقپارات تاراتقان، بۇل كومپانيانىڭ ىسكەرلىك بەدەلىنە جانە بيزنەسىنە ەلەۋلى نۇقسان كەلتىرگەن.
ءىستىڭ وزگە ءمان-جايلارى قىلمىستىق-پروسەستىك كودەكستىڭ 201-بابىنا سايكەس جاريا ەتىلمەيدى.
