جوعارى اۋديتورلىق پالاتا ءتوراعاسى ءاليحان سمايىلوۆ ءماجىلىس وتىرىسىندا مەملەكەتتىك قولداۋ تەتىكتەرىنە جۇرگىزىلگەن ءاۋديتتىڭ قورىتىندىلارىن تانىستىردى، دەپ حابارلايدى Dalanews.kz.
ونىڭ ايتۋىنشا، بيۋدجەت قاراجاتى ەسەبىنەن قولداۋ العاندارعا ناقتى قارسى مىندەتتەمەلەر جۇكتەلۋى كەرەك. ال بۇل تالاپتار ورىندالماعان جاعدايدا بولىنگەن قارجى مەملەكەتكە قايتارىلۋعا ءتيىس.
الايدا اۋديت بارىسىندا مۇنداي مىندەتتەمەلەردىڭ بارلىق جەردە قاراستىرىلماعانى انىقتالعان. سونىڭ سالدارىنان، مىسالى، پاۆلوداردا ءىس جۇزىندە جۇمىس ىستەمەيتىن زاۋىتقا 2،4 ملرد تەڭگەگە ينجەنەرلىك ينفراقۇرىلىم تارتىلعان. كەيبىر جوبالاردا قارسى مىندەتتەمەلەر تىم جەڭىل ءارى فورمالدى تۇردە بەلگىلەنگەن.
ماسەلەن، 37 ملرد تەڭگە كولەمىندە قولداۋ العان ءبىر جوبا بويىنشا سالىق تۇسىمدەرىن ارتتىرۋدان بولەك، قىزمەتكەرلەر سانىن بار-جوعى ءبىر ادامعا عانا كوبەيتۋ تالاپ ەتىلگەن.
