Joǵary aýditorlyq palata tóraǵasy Álihan Smaiylov Májilis otyrysynda memlekettik qoldaý tetikterine júrgizilgen aýdittiń qorytyndylaryn tanystyrdy, dep habarlaidy Dalanews.kz.
Onyń aitýynsha, biýdjet qarajaty esebinen qoldaý alǵandarǵa naqty qarsy mindettemeler júktelýi kerek. Al bul talaptar oryndalmaǵan jaǵdaida bólingen qarjy memleketke qaitarylýǵa tiis.
Alaida aýdit barysynda mundai mindettemelerdiń barlyq jerde qarastyrylmaǵany anyqtalǵan. Sonyń saldarynan, mysaly, Pavlodarda is júzinde jumys istemeitin zaýytqa 2,4 mlrd teńgege injenerlik infraqurylym tartylǵan. Keibir jobalarda qarsy mindettemeler tym jeńil ári formaldy túrde belgilengen.
Máselen, 37 mlrd teńge kóleminde qoldaý alǵan bir joba boiynsha salyq túsimderin arttyrýdan bólek, qyzmetkerler sanyn bar-joǵy bir adamǵa ǵana kóbeitý talap etilgen.
