استانادا KazTAG اقپارات اگەنتتىگىنىڭ باس رەداكتورى ءامىر قاسەنوۆ ۇستالدى، دەپ حابارلايدى Dalanews.kz.
اگەنتتىكتىڭ باس ديرەكتورى اسەت ماتايەۆتىڭ مالىمدەۋىنشە، ءامىر قاسەنوۆ 19:00-دە استانانىڭ ەسىل اۋداندىق پوليسيا باسقارماسىنا تەرگەۋ ارەكەتتەرىنە شاقىرىلعان. كەيىن ونىڭ ادۆوكاتتارى باس رەداكتوردىڭ ۇستالعانىن راستاعان.
"مەن مۇنى قۇقىق قورعاۋ ورگاندارى تاراپىنان، سونداي-اق تۋرلوۆ پەن Freedom Finance وكىلدەرى تاراپىنان جاسالعان زاڭسىز قىسىم دەپ سانايمىن. ەگەر قازاقستاندا ادىلدىك بولسا، امىرگە تاعىلعان بارلىق ايىپ الىنىپ، ول بوستاندىققا شىعۋى ءتيىس"، - دەدى اسەت ماتايەۆ Telegram-ارناسىندا.
قىلمىستىق كودەكستىڭ 274-بابىنىڭ 3-بولىگى بويىنشا قوزعالعان ءىس ورتاشا اۋىرلىقتاعى قىلمىس ساناتىنا جاتادى. اتالعان باپ بەس جىلعا دەيىن باس بوستاندىعىنان ايىرۋ جازاسىن كوزدەيدى. ادۆوكات رەنا كەريموۆا قاسەنوۆكە تاعىلعان ايىپتى تىم قاتاڭ شارا دەپ باعالادى.
"بۇل - قۇقىق قورعاۋ ورگاندارىنا جاسالعان پسيحولوگيالىق قىسىم مەن زاڭسىز تەرگەۋ ادىستەرى تۋرالى مالىمدەمەلەرگە بەرىلگەن جاۋاپ سەكىلدى اسەر قالدىرادى. تەرگەۋ سوتى بۇل ىسكە ءتيىستى قۇقىقتىق باعا بەرىپ، قاماۋعا الۋعا سانكسيا بەرمەيدى دەپ ۇمىتتەنەمىن"، - دەدى ادۆوكات.
ايتا كەتەيىك، قىسقا ۋاقىت ىشىندە ەكى ءىرى اقپارات قۇرالى – قازتاگ حالىقارالىق اقپارات اگەنتتىگى مەن Orda.kz – قىلمىستىق كودەكستىڭ 274-بابى "كورىنەۋ جالعان اقپارات تاراتۋ" بويىنشا قوزعالعان ىستەردىڭ فيگۋرانتتارى بولدى.
