Politico باسىلىمىنىڭ شولۋشىسى دەتتمەرءدىڭ پىكىرىنشە، رەسەي مەن ۋكراينا اراسىنداعى سوعىس 2026 جىلى كييەۆ ءۇشىن ءتيىمسىز شارتتارمەن اياقتالۋى ىقتيمال، دەپ حابارلايدى Dalanews.kz.
ساراپشى مۇنداي بولجامىن ەۋرووداق ەلدەرىنىڭ ۋكرايناعا رەپاراسيالىق نەسيە بەرۋ ماسەلەسى بويىنشا ورتاق شەشىمگە كەلە الماۋىمەن بايلانىستىرادى. ونىڭ ايتۋىنشا، بۇل جاعداي كييەۆتى الداعى جىلدارعا ارنالعان كەپىلدەندىرىلگەن قارجىلاندىرۋدان قاعۋى مۇمكىن.
دەتتمەر سونداي-اق ەۋروپا ەلدەرىنىڭ جالپى كولەمى 90 ملرد ەۋروعا جۋىق ورتاق قارىزى ۋكراينا قاجەتتىلىكتەرىن تولىق وتەۋگە جەتكىلىكسىز ەكەنىن اتاپ ءوتتى.
بۇدان بولەك، ساراپشى نەسيە بەرۋگە قارسى شىققان ۆەنگريا، چەحيا جانە سلوۆاكيانىڭ ۇستانىمىنا وزگە دە ەلدەر قوسىلۋى مۇمكىن ەكەنىن جوققا شىعارمايدى. سونىمەن قاتار ول 2026–2027 جىلدارى اقش-تا دونالد ترامپ بيلىكتە قالا بەرسە، ۋكراينا ءۇشىن ۆاشينگتوننان جاڭا قارجىلاي قولداۋ سۇراۋدىڭ ءمانى بولمايتىنىن اتاپ ءوتتى.
