قما پاۆلودار وبلىسى بويىنشا دەپارتامەنتى ەلەكتروندىق تۇتىنۋ جۇيەلەرىن (ۆەيپتەردى)، سونداي-اق ولارعا ارنالعان حوش يىستەندىرگىشتەر مەن سۇيىقتىقتاردى زاڭسىز ساتۋمەن اينالىسقان ۇيىمداسقان قىلمىستىق توپقا قاتىستى تەرگەۋدى اياقتادى، دەپ حابارلايدى Dalanews.kz.
ونىمدەردى وتكىزۋ Telegram مەسسەندجەرىندەگى ءۇش ونلاين-دۇكەن ارقىلى كۋرەرلىك جەتكىزۋ تاسىلىمەن جۇزەگە اسىرىلعان.
زاڭسىز اينالىمنان جالپى قۇنى 400 ملن تەڭگەدەن اساتىن 53 مىڭنان استام ءونىم بىرلىگى تاركىلەندى.
قىلمىستىق جولمەن الىنعان كىرىستەردى قولما-قول اقشاعا اينالدىرۋ ءۇشىن كۇدىكتىلەر بانك كارتالارى رەسىمدەلگەن دروپپەرلەردى پايدالانعان.
ۆەيپتەردىڭ نەگىزگى تۇتىنۋشىلارى مەكتەپ وقۋشىلارى مەن ستۋدەنتتەر بولعان.
سوتتىڭ سانكسياسىمەن قىلمىستىق تابىسقا ساتىپ الىنعان 3 اۆتوكولىككە («Toyota Land Cruiser»، «Toyota Highlander»، «Chevrolet Camaro») تىيىم سالىندى.
ءتورت كۇدىكتى قاماۋعا الىندى.
