بٷگٸنگٸ كٷنٸ ۇلتتىق پارك اۋماعىندا ۇزىندىعى 673 شاقىرىمدى قۇرايتىن 14 تۋريستٸك سوقپاق جۇمىس ٸستەپ تۇر. پارك اۋماعىندا ينفراقۇرىلىمدار سالۋ بويىنشا جوبالاۋ جۇمىستارى جٷرگٸزٸلٸپ جاتىر.
ۇلتتىق تابيعي پاركتٸڭ باس ديرەكتورى جانبولات تىنىبەكوۆتىڭ ايتۋىنشا, قازٸر زوولوگييا عىلىمي ينستيتۋتىمەن كاتونقاراعاي ۇلتتىق پاركٸندەگٸ قار بارىسىنىڭ ٶسٸپ-ٶنۋ ورتاسىنا, ەكوجٷيەسٸنە زەرتتەۋ جۇمىستارى ودان ەرٸ جٷرگٸزٸلٸپ جاتىر.
2001 جىلدىڭ شٸلدەسٸندە قۇرىلعان كاتونقاراعاي ۇلتتىق تابيعي پاركٸ – الىپ جاتقان اۋماعى جاعىنان ەلٸمٸزدەگٸ ەڭ ٷلكەن ۇلتتىق تابيعي پارك, ەرەكشە قورعالاتىن ايماق.
جانبولات تىنىبەكوۆ پارك قۇرامىنداعى 5 فيليال مەن 10 ورمانشىلىق جەنە 6 بٶلٸم ۇلتتىق تابيعي پاركتەگٸ ورماندى قالپىنا كەلتٸرۋ شارالارىن, ورمان كٶلەمٸن جىل سايىن ۇلعايتىپ وتىرعانىن, سونىڭ نەتيجەسٸندە ورمان اۋماعى 17 پايىزعا كەڭەيگەنٸن اتاپ ايتتى.
سونىڭ نەتيجەسٸندە كاتونقاراعاي ۇلتتىق پاركٸندە زاڭسىز اعاش كەسۋ فاكتٸلەرٸ ازايعان. ورمان القاپتارىندا سانيتارلىق شارالار جٷرگٸزٸلٸپ, اۋرۋ, قۋراعان, كەرٸ اعاشتار كەسٸلٸپ, القاپتار زييانكەستەردەن ارىلتىلىپ وتىر. 20 جىل ٸشٸندە پارك اۋماعىندا ٸرٸ ورمان ٶرتتەرٸ (2008 جىلداعىدان باسقا) تٸركەلمەگەن. ەر جىل سايىن شەكارا ماڭىنداعى اۋماقتار تۇرعىندارىنا ورمان قورى جەرلەرٸنەن مال جايۋعا (5-7 مىڭ گەكتار), شٶپ شابۋعا (500-600 گەكتار) رۇقسات بەرٸلەدٸ.
«تابيعات جىلناماسى» باعدارلاماسى اياسىندا ۇلتتىق پاركتە القاپتىڭ فاۋناسى, فلوراسى بويىنشا عىلىمي زەرتتەۋلەر دە جٷرگٸزٸلۋدە. نەتيجەسٸندە پارك اۋماعىندا قۇستاردىڭ بەس جاڭا تٷرٸ, قاناتتى جەندٸكتەردٸڭ جيىرما جاڭا تٷرٸ, سونداي-اق بۇرىن بۇل ٶڭٸردە كەزدەسپەگەن ٶسٸمدٸكتەر تٷرٸ, سابانشى تابىلىپ, تٸركەلگەن. 2014 جىلدان باستاپ پاركتە قىزىل كٸتاپقا ەنگەن قار بارىسىنىڭ تٸرشٸلٸك ەتۋ ورتاسىنا مونيتورينگ جٷرگٸزٸلٸپ جاتىر.
ادام اياعى باسپاس اسقارالى بيٸكتەردە عانا جٷرەتٸن قار بارىسى وسى ۋاقىتقا دەيٸن ون شاقتى رەت فوتوتۇزاققا تٷسكەن. قار بارىسى 2014 جىلى ارشاتى ورمانشىلىعى اۋماعىنان العاش رەت فوتوتۇزاققا ٸلٸنسە, ول سارىمساقتى جوتاسىنان 2020 جىلى ٷش رەت, بيىل تٸپتٸ بٸرنەشە رەت فوتوتۇزاققا تٷسكەن.
ايتا كەتەلٸك, كاتونقاراعاي ۇلتتىق پاركٸنٸڭ يۋنەسكو-نىڭ بٷكٸلەلەمدٸك بيوسفەرالىق رەزەرۆاتتار تٸزٸمٸنە, ياعني ەرەكشە قورعالاتىن ايماقتار تٸزٸمٸنە ەنگەنٸ – پاركتٸڭ تەۋەلسٸزدٸك جىلدارىندا قول جەتكٸزگەن باستى جەتٸستٸكتەرٸنٸڭ بٸرٸ.
