ول ساقتىق شاراسىنىڭ ساقتالۋىن مەشٸت قىزمەتكەرلەرٸنٸڭ ويداعىداي ورىندارىنا سەنٸمدٸ.
"مەشٸتتەر بٷگٸن اشىلعانىمەن تەك جەكەلەگەن ادامدار عانا نامازدارىن وقي الادى.
مەنٸڭشە ادام كٶپ جينالاتىن جۇما نامازىنان تىس قالعان بەس ۋاقىت نامازدىڭ جاماعاتپەن وقىلۋىنا رۇقسات بەرٸلۋٸ كەرەك. ەڭ بولماسا مەشٸتتٸڭ اۋلاسىندا وقۋعا بولادى.
ساقتىق شارالارىنىڭ ساقتالۋىن يمامدار ٶز مٸندەتٸنە الاتىندىعىنا كٷمەن جوق. بازارعا, ساۋدا ورتالىقتارىنا, كافە-مەيرامحانالارعا رۇقسات بەرٸلگەلٸ قاشان?! ادام قۇجىناپ جٷر. كٶپشٸلٸگٸ ساقتىق شارالارىن ساقتاپ تا جاتقان جوق", – دەيدٸ قايرات جولدىباي.
ايتا كەتەلٸك بٷگٸننەن باستاپ قازاقستاندىقتار 31 تامىزدان باستاپ مەشٸتتەر مەن شٸركەۋلەرگە بارا الادى. بۇل تۋرالى ۆيتسە-پرەمەر ەرالى توعجانوۆ حابارلاعان.
"31 تامىزدان باستاپ دٸني وبەكتٸلەردٸڭ قىزمەتٸن قايتا باستاۋ تۋرالى شەشٸم قابىلداندى: جەكە, ۇجىمدىق ٸس-شارالار ٶتكٸزٸلمەيدٸ", - دەپ جازدى قازاقستان پرەمەر-مينيسترٸنٸڭ رەسمي سايتى.
ايتا كەتەيٸك, مەشٸتتەر مەن شٸركەۋلەر كوروناۆيرۋس پاندەميياسىنا بايلانىستى ناۋرىز ايىندا كارانتينگە جابىلعان بولاتىن.
مامىر ايىندا كارانتين جەڭٸلدەتٸلگەننەن كەيٸن دٸني نىساندار از ۋاقىت جۇمىس ٸستەدٸ. شٸلدەدە كارانتين تاعى دا كٷشەيتٸلدٸ.
14 تامىزدا قازاقستان مۇسىلماندارى دٸني باسقارماسى قۇزىرلى ورگاندارعا مەشٸتتەردٸ كارانتين تالاپتارىن ساقتاي وتىرىپ قايتا اشۋدى ۇسىندى.
ەستەرٸڭٸزگە سالا كەتەيٸك, كارانتينگە بايلانىستى 2020 جىلى قۇربان ايت مەرەكەسٸن ونلاين رەجيمٸندە ٶتكٸزۋگە شەشٸم قابىلدانعان بولاتىن. ول 31 شٸلدەدە باستالىپ, ٷش كٷنگە سوزىلدى. قمدب قۇربان شالۋعا ونلاين تاپسىرىس بەرۋگە ارنالعان سايت اشتى.
