Ol saqtyq sharasynyń saqtalýyn meshit qyzmetkerleriniń oidaǵydai oryndaryna senimdi.
"Meshitter búgin ashylǵanymen tek jekelegen adamdar ǵana namazdaryn oqi alady.
Menińshe adam kóp jinalatyn juma namazynan tys qalǵan bes ýaqyt namazdyń jamaǵatpen oqylýyna ruqsat berilýi kerek. Eń bolmasa meshittiń aýlasynda oqýǵa bolady.
Saqtyq sharalarynyń saqtalýyn imamdar óz mindetine alatyndyǵyna kúmán joq. Bazarǵa, saýda ortalyqtaryna, kafe-meiramhanalarǵa ruqsat berilgeli qashan?! Adam qujynap júr. Kópshiligi saqtyq sharalaryn saqtap ta jatqan joq", – deidi Qairat Joldybai.
Aita ketelik búginnen bastap qazaqstandyqtar 31 tamyzdan bastap meshitter men shirkeýlerge bara alady. Bul týraly vitse-premer Eraly Toǵjanov habarlaǵan.
"31 tamyzdan bastap dini obektilerdiń qyzmetin qaita bastaý týraly sheshim qabyldandy: jeke, ujymdyq is-sharalar ótkizilmeidi", - dep jazdy Qazaqstan premer-ministriniń resmi saity.
Aita keteiik, meshitter men shirkeýler koronavirýs pandemiiasyna bailanysty naýryz aiynda karantinge jabylǵan bolatyn.
Mamyr aiynda karantin jeńildetilgennen keiin dini nysandar az ýaqyt jumys istedi. Shildede karantin taǵy da kúsheitildi.
14 tamyzda Qazaqstan musylmandary dini basqarmasy quzyrly organdarǵa meshitterdi karantin talaptaryn saqtai otyryp qaita ashýdy usyndy.
Esterińizge sala keteiik, karantinge bailanysty 2020 jyly Qurban ait merekesin onlain rejiminde ótkizýge sheshim qabyldanǵan bolatyn. Ol 31 shildede bastalyp, úsh kúnge sozyldy. QMDB qurban shalýǵa onlain tapsyrys berýge arnalǵan sait ashty.
