كادرلىق رەزەرۆ – جاس باسقارۋشىلاردىڭ وڭىرلىك پۋلدارىن قالىپتاستىرۋدا

جاربول كەنت ۇلى 04 ماۋ. 2024 18:25 1432

باتىس قازاقستان وبلىسىندا وڭىرلىك كادرلىق رەزەرۆكە ىرىكتەۋ قالاي وتۋدە جانە جالپى جاستاردى قولداۋ بويىنشا قانداي شارالار قابىلدانۋدا؟

بۇگىندە جاستاردى قولداۋ جانە دارىندى مامانداردى مەملەكەتتىك قىزمەت سالاسىنا تارتۋ ماقساتىندا پرەزيدەنتتىڭ باستاماسىمەن «الەۋمەتتىك ليفت» رەتىندە پرەزيدەنتتىك جاستار كادر رەزەرۆى مەن وڭىرلىك كادرلىق رەزەرۆى جۇزەگە اسىرىلۋدا.

وسى جىلدىڭ 1 ناۋرىزىنان باستاپ بارلىق وڭىرلەردە وڭىرلىك كادرلىق رەزەرۆتەرگە ىرىكتەۋ وتكىزىلۋدە.

جوبانىڭ نەگىزگى ماقساتى – جاس باسقارۋشىلاردىڭ وڭىرلىك پۋلدارىن قالىپتاستىرۋ جانە وڭىرلەردى دامىتۋعا تالانتتى جاستاردى تارتۋ.

قازىرگى كەزدە، ۇمىتكەرلەر قۇزىرەتتەردى انىقتاۋعا ءارى باعالاۋعا باعىتتالعان جاتتىعۋلاردى ءوتتى، جاقىن ارادا كوميسسيادا تاڭداعان سالالىق باعىتتار بويىنشا جوبالارىن قورعايدى.

وڭىرلىك كادر كوميسسياسى رەزەرۆكە ەكى جىلدىق مەرزىمگە كانديداتتاردى قابىلداۋ تۋرالى شەشىم قابىلدايتىن بولادى.

سوعان قوسا، مەملەكەتتىك قىزمەتكە كىرۋدە ارتىق كەدەرگىلەردى جويۋ جانە مەملەكەتتىك قىزمەتتەن شىعۋ ءتارتىبىن جەڭىلدەتۋ بويىنشا ءتيىستى وزگەرىستەر قابىلداندى.

مەملەكەتتىك گرانتپەن وقۋ ورىندارىن جوعارعى كورسەتكىشپەن اياقتاعان تۇلەكتەردە اۋدان مەن اۋىلدىق جەرلەردە تومەنگى لاۋازىمدارعا تىكەلەي تاعايىندالۋعا مۇمكىندىكتەرى بار.

بۇل تەتىك بىلىكتى جاستاردى مەملەكەتتىك قىزمەتكە ىنتالاندىرۋعا، وڭىرلەردە كادر تۇراقتىلىعىن قامتاماسىز ەتۋگە مۇمكىندىك بەرەدى، وڭىرىمىزدە 20 تۇلەك قىزمەت اتقارۋدا.

دەپارتامەنت مەملەكەتتىك قىزمەتشىلەردىڭ قىزمەتتىك ادەپتى ساقتاۋىنا باقىلاۋ جۇرگىزۋ بويىنشا قانداي جۇمىس جۇرگىزىلۋدە؟

دەپارتامەنت مەملەكەتتىك قىزمەت سالاسىنداعى زاڭنامانى جانە قىزمەتتىك ادەپتىڭ ساقتالۋىنا مەملەكەتتىك باقىلاۋدى جۇزەگە اسىرادى جانە باسىمدىلىق زاڭناما بۇزۋشىلىقتارىنىڭ پروفيلاكتيكاسىنا بەرىلەدى.

وسىلايشا، مەملەكەتتىك قىزمەتشىلەرگە زاڭناما تالاپتارىن ءتۇسىندىرۋ، قىزمەتتىك ادەپتى نىعايتۋ باعىتىندا 135 ءىس-شارا وتكىزىلدى.

دەسەك تە، ءالى دە بۇزۋشىلىقتار ورىن الۋدا.

مىسالى، مەملەكەتتىك قىزمەتشىلەردىڭ الەۋمەتتىك كەپىلدىكتەرىنىڭ ساقتالۋىنا، جۇمىس ۋاقىتى رەجيمىنە، ولاردىڭ باعالاۋىنا جانە بونۋستار تولەۋىنە، تارتىپتىك جاۋاپتىلىققا تارتۋ تاجىريبەسىنە مونيتورينگ جۇرگىزىلەدى.

ناتيجەسىندە 11 قىزمەتشىگە زاڭناما تالاپتارى ساقتالماي قولدانىلعان تارتىپتىك جازالاردىڭ كۇشتەرى جويىلدى.

وسىعان قوسا، 79 مەملەكەتتىك قىزمەتشىلەردىڭ جۇمىس ورنىندا ۇستەمە جۇمىسقا تارتۋ تۋرالى بۇيرىق راسىمدەلمەي بولعانى انىقتالدى، ولارعا قوسىمشا دەمالىس ۋاقىتى بەرىلدى.

سونداي-اق، 42 قىزمەتشىگە ءىس-ساپار شىعىندارىن ۋاقىتىلى تولەنبەگەن 2،6 ملن. تەڭگە كولەمىندە تولەمدەر جۇرگىزىلدى.

دەپارتامەنتتىڭ ۇسىنىمىمەن 24 مەملەكەتتىك قىزمەتشىگە ءتيىستى باعالاۋ وتكىزىلدى، نەگىزسىز تولەنبەگەن بونۋستاردى تولەۋ شارالارى قابىلدانۋدا.

مەملەكەتتىك كورسەتىلەتىن قىزمەتتەردىڭ ساپاسىنا باقىلاۋ باعىتىندا قانداي جۇمىستار اتقارىلۋدا؟

دەپارتامەنت ءوز قىزمەتىندە حالىققا ساپالى مەملەكەتتىك قىزمەتتەردى كورسەتۋدى قامتاماسىز ەتۋدە، قىزمەت الۋشىلاردىڭ قۇقىقتارىن قورعاۋعا ەرەكشە نازار اۋدارىلادى.

اعىمداعى جىلى دەپارتامەنتپەن 9 قىزمەت الۋشىنىڭ قۇقىقتارى قالپىنا كەلتىرىلدى.

مىسالى، دەپارتامەنتپەن قىزمەت الۋشى ا. شاعىمى نەگىزىندە جۇرگىزىلگەن تەكسەرۋ ناتيجەسى بويىنشا قىزمەت الۋشىعا مەملەكەتتىك قىزمەت تولىق كورسەتىلىپ، جەردىڭ نىسانالى ماقساتى وزگەرتىلدى.

ازاماتتاردا قىزمەتتەردى الۋ كەزىندە قانداي دا ءبىر ماسەلەلەر تۋىنداعان جاعدايدا دەپارتامەنتكە شاعىمدانا الادى، زاڭبۇزۋشىلىقتار انىقتالعان جاعدايدا دەرەۋ شارالار قابىلداناتىن بولادى.

مۇرات بايسالوۆ، ق ر مەملەكەتتىك قىزمەت ىستەرى اگەنتتىگىنىڭ باتىس قازاقستان وبلىسى بويىنشا دەپارتامەنتىنىڭ باسشىسى.

 


ۇسىنىلعان
سوڭعى جاڭالىقتار