Batys Qazaqstan oblysynda óńirlik kadrlyq rezervke irikteý qalai ótýde jáne jalpy jastardy qoldaý boiynsha qandai sharalar qabyldanýda?
Búginde jastardy qoldaý jáne daryndy mamandardy memlekettik qyzmet salasyna tartý maqsatynda Prezidenttiń bastamasymen «áleýmettik lift» retinde Prezidenttik jastar kadr rezervi men óńirlik kadrlyq rezervi júzege asyrylýda.
Osy jyldyń 1 naýryzynan bastap barlyq óńirlerde óńirlik kadrlyq rezervterge irikteý ótkizilýde.
Jobanyń negizgi maqsaty – jas basqarýshylardyń óńirlik pýldaryn qalyptastyrý jáne óńirlerdi damytýǵa talantty jastardy tartý.
Qazirgi kezde, úmitkerler quzyretterdi anyqtaýǵa ári baǵalaýǵa baǵyttalǵan jattyǵýlardy ótti, jaqyn arada komissiiada tańdaǵan salalyq baǵyttar boiynsha jobalaryn qorǵaidy.
Óńirlik kadr komissiiasy rezervke eki jyldyq merzimge kandidattardy qabyldaý týraly sheshim qabyldaityn bolady.
Soǵan qosa, memlekettik qyzmetke kirýde artyq kedergilerdi joiý jáne memlekettik qyzmetten shyǵý tártibin jeńildetý boiynsha tiisti ózgerister qabyldandy.
Memlekettik grantpen oqý oryndaryn joǵarǵy kórsetkishpen aiaqtaǵan túlekterde aýdan men aýyldyq jerlerde tómengi laýazymdarǵa tikelei taǵaiyndalýǵa múmkindikteri bar.
Bul tetik bilikti jastardy memlekettik qyzmetke yntalandyrýǵa, óńirlerde kadr turaqtylyǵyn qamtamasyz etýge múmkindik beredi, óńirimizde 20 túlek qyzmet atqarýda.
Departament memlekettik qyzmetshilerdiń qyzmettik ádepti saqtaýyna baqylaý júrgizý boiynsha qandai jumys júrgizilýde?
Departament memlekettik qyzmet salasyndaǵy zańnamany jáne qyzmettik ádeptiń saqtalýyna memlekettik baqylaýdy júzege asyrady jáne basymdylyq zańnama buzýshylyqtarynyń profilaktikasyna beriledi.
Osylaisha, memlekettik qyzmetshilerge zańnama talaptaryn túsindirý, qyzmettik ádepti nyǵaitý baǵytynda 135 is-shara ótkizildi.
Desek te, áli de buzýshylyqtar oryn alýda.
Mysaly, memlekettik qyzmetshilerdiń áleýmettik kepildikteriniń saqtalýyna, jumys ýaqyty rejimine, olardyń baǵalaýyna jáne bonýstar tóleýine, tártiptik jaýaptylyqqa tartý tájiribesine monitoring júrgiziledi.
Nátijesinde 11 qyzmetshige zańnama talaptary saqtalmai qoldanylǵan tártiptik jazalardyń kúshteri joiyldy.
Osyǵan qosa, 79 memlekettik qyzmetshilerdiń jumys ornynda ústeme jumysqa tartý týraly buiryq rásimdelmei bolǵany anyqtaldy, olarǵa qosymsha demalys ýaqyty berildi.
Sondai-aq, 42 qyzmetshige is-sapar shyǵyndaryn ýaqytyly tólenbegen 2,6 mln. teńge kóleminde tólemder júrgizildi.
Departamenttiń usynymymen 24 memlekettik qyzmetshige tiisti baǵalaý ótkizildi, negizsiz tólenbegen bonýstardy tóleý sharalary qabyldanýda.
Memlekettik kórsetiletin qyzmetterdiń sapasyna baqylaý baǵytynda qandai jumystar atqarylýda?
Departament óz qyzmetinde halyqqa sapaly memlekettik qyzmetterdi kórsetýdi qamtamasyz etýde, qyzmet alýshylardyń quqyqtaryn qorǵaýǵa erekshe nazar aýdarylady.
Aǵymdaǵy jyly departamentpen 9 qyzmet alýshynyń quqyqtary qalpyna keltirildi.
Mysaly, departamentpen qyzmet alýshy A. shaǵymy negizinde júrgizilgen tekserý nátijesi boiynsha qyzmet alýshyǵa memlekettik qyzmet tolyq kórsetilip, jerdiń nysanaly maqsaty ózgertildi.
Azamattarda qyzmetterdi alý kezinde qandai da bir máseleler týyndaǵan jaǵdaida Departamentke shaǵymdana alady, zańbuzýshylyqtar anyqtalǵan jaǵdaida dereý sharalar qabyldanatyn bolady.
Murat BAISALOV, QR Memlekettik qyzmet isteri agenttiginiń Batys Qazaqstan oblysy boiynsha departamentiniń basshysy.
