بۇل مەملەكەت كٸمگە قالادى?
كٷن سايىن قىزمەت بابىمەن قانشاما ادامدارمەن جولىعامىز, كەزدەيسوق كٶرٸسەمٸز. پاندەمييادان قورقىپ تۇرساق تا ماسكٸ تاققان كٷيٸ اماندىق, ساۋلىق سۇراسامىز. سوندا بٸرقاتارى بالاسى اقش-تا, نەمەسە كانادا, نەمەسە لوندوندا ەكەنٸن ايتىپ جاتادى. "وقۋىن بٸتٸرگەن سوڭ سول جاقتا قالدى" دەيدٸ ٶكٸنٸشپەن. جاتجۇرتتىق بٸرەۋگە ٷيلەنٸپ كەتە مە دەگەن قورقىنىشپەن كەرٸ شاقىرىپ العاندارىنىڭ ٶزٸ جارتى جىل, بٸر جىل ەزەر شىداپ, اقىرى قولدارىن بٸر سٸلتەپ, ٶزدەرٸ ىڭعايلى كٶرگەن شەت ەلٸنە تارتىپ وتىرادى ەكەن.
ايتاتىن ۋەجدەرٸ: "قازاقستاندا جاستاردىڭ "كرىشاسىز" قىزمەتتٸك ٶسۋٸنە مٷمكٸندٸك جوق", "جالاقىسى مامانداردىڭ شەتەلدە العان بٸلٸم دەڭگەيٸنەن ەلدەقايدا تٶمەن", "كوررۋپتسييالىق بىلىق-شىلىقتار ۇنامايدى", "باستىققا بٸلٸمنەن گٶرٸ جاعىمپازدىق ۇنايدى"ت.ب.
بەرٸ راس! ٶكٸنٸشكە قاراي بٸز وسىنداي ەل بولاشاعىنا سەنٸمٸزدٸكتٸڭ اۋىر سالدارىن تارتا باستادىق. رەجيم اۋىسقانعا دەيٸن ەلٸ دە تارتاتىن بولامىز.
كەشە ٸلٸنٸپ-سالىنىپ پارلامەنت مەجٸلٸسٸ مەن مەسليحات دەپۋتاتتارىنىڭ سايلاۋى ٶتتٸ. ەل تانيتىن بٸرقاتار ادامدار "سايلاۋعا باردىق, ٶزٸمٸز قالاعان پارتيياعا داۋىس بەردٸك" دەپ جەر-جاھانعا جار سالىپ جاتىر. بٸرقاتار بايقاۋشىلاردىڭ مەلٸمەتٸنشە داۋىس بەرۋشٸلەر سانى ايتارلىقتاي تٶمەندەگەن. تەك الماتىنىڭ ٶزٸندە داۋىس بەرۋ ٷشٸن تٸزٸمگە الىنعانداردىڭ 27,7 پايىزى عانا كەلگەن. بۇل كٶرسەتكٸش ۇمىتپاسام, ەلوردادا 44 پايىز, شىمكەنتتە 53 پايىز بولىپتى. كٶپ قالالاردا 50 پايىزدىڭ ار جاق-بەر جاعى. ياعني ەلەكتوراتتىڭ بەلسەندٸلٸگٸ ەلدەقايدا تٶمەندەگەنٸ بايقالادى.
حالىق ٶتٸرٸك ۋەدەلەردەن, كٶزبوياۋشىلىقتاردان شارشاعان. ونىڭ ٷستٸنە قالاي داۋىس بەرسەك تە "Nur Otan" جەڭەدٸ عوي دەگەن ساياسي شاراسىزدىق. بٷگٸنگٸ ەكزيت-پۋل نٶمٸرٸ بٸرٸنشٸ پارتييا 71 پايىز العانىن جارييالاپ تا قويدى. كٷمەن كٶپ. بٸراق ەكٸمشٸلٸك رەسۋرس بٸر كٸسٸدەي جۇمىلدىرىلعان سوڭ بٸزدٸڭ ەلٸمٸزدە باسقاشا بولۋى دا مٷمكٸن ەمەس قوي.
"كٷركٸرەپ كٷندەي ٶتتٸ عوي سوعىس" دەمەكشٸ, مٸنەكي, سايلاۋ دا ارتتا قالدى. بيلٸك پارتيياسىنىڭ "ويداعىداي" كٶش باستاعانىن كٶزٸمٸز كٶردٸ. بٷگٸن-ەرتەڭ مەجٸلٸس جاساقتالعان سوڭ ٷكٸمەت تە دوعارىسقا كەتەر. جاڭا ٷكٸمەت تاعايىندالار. 2019 جىلعى پرەزيدەنت سايلاۋىنان سوڭ ق.توقاەۆقا انت بەرمەگەن كٷش قۇرىلىمدارىنىڭ باسشىلارى بيىل دا ورىنتاقتارىن ساقتاپ قالسا ٶتكەن جولعىداي وعان تاعى انت بەرە قويماس. كەيبٸر ۆەدومستۆو باسشىلارى ٶزگەرگەنٸمەن رەجيم قاز قالپىندا قالا بەرەدٸ.
سايلاۋ ٶتكەنمەن حالىق كٷتكەن ٶزگەرٸستەر, تٷبەگەيلٸ رەفورمالار ورىن الماسى انىق. مۇنىڭ بەرٸ حالىقتىڭ, ەسٸرەسە جاستاردىڭ ەرتەڭگٸ كٷنگە دەگەن سەنٸمٸن "دەۋ تىشقاندارداي" كەمٸرٸپ بارادى. ەڭ سۇمدىعى جاستاردىڭ وتتاي جانعان پاتريوتتىق سەزٸمدەرٸ جويىلىپ كەتە مە دەپ قورقامىن.
ەلدەن تەحنيكالىق, ايتيشنيك, ەكونوميست ماماندار كەتٸپ جاتىر. تۇراقتى مەكەندەۋگە كەتٸپ جاتقاندارىنان باسقا جاي ۆيزامەن بارىپ قالىپ قالعاندار, تۇرۋعا يحتييارحات كٷتٸپ جٷرگەندەر قانشاما? سوڭعى تٶرت جىلدا ەميگراتسيياعا كەتٸپ جاتقاندار ونىڭ الدىنداعى كەزەڭمەن سالىستىرعاندا 38 پايىزدان 88 پايىزعا ٶسكەن. بيلٸك وسى تەندەنتسييانى نەگە قاپەرگە المايدى? مەملەكەت ەرتەڭگٸ كٷنٸ كٸمگە قالادى, دەپۋتات مىرزالار?
