بريتاندىق The Telegraph پەن openDemocracy: "Jysan-نىڭ تٷپ يەسٸ - نازارباەۆ. كومپانييا ەۋلەتتٸڭ اكتيۆٸن باسقارۋ ٷشٸن قۇرىلعان..." دەپ جازعان. مۇنى جالعان دەپ مەلٸمدەگەن كومپانييا جالما-جان سوتقا جٷگٸرگەن.
"كٷنٸ كەشە وسى ٸستٸڭ العاشقى راۋندى ٶتٸپ, باستاپقى كەزەڭدە Jysan Holding جەڭٸپ كەتتٸ", - دەپ حابارلايدى DALA INSIDE تەلەگرام ارناسى.
ارنانىڭ جازعانىنداي حولدينگتٸڭ قورعاۋشىلارى كومپانييانىڭ ەكس-پرەزيدەنتكە قاتىسى جوعىن ايتىپ, اق تەر, كٶك تەرگە تٷسكەن.
"نازارباەۆ وتباسىنىڭ اكتيۆٸن ساقتاۋمەن اينالىسپايمىز. ەلگٸ اقپاراتتىڭ كەسٸرٸنەن حولدينگتٸڭ بەدەلٸنە داق تٷستٸ. بريتانيياداعى بٸرقاتار جوبالار جٷزەگە اسپاي, كٸبٸرتٸكتەپ قالدى», - دەيدٸ ولار.
"سوت بارىسىن باقىلاپ وتىرعان بٸزگە بۇلاردىڭ تەزيستەرٸ تاڭسىق ەمەس. فورمالدى تٷردە, نازارباەۆ تا, ونىڭ كٶمەكشٸلەرٸ دە ەش جەردە ەمەس, جۋسان تاقىرىبىنا مٷلدە قاتىسى جوق. كومپانييانىڭ مەكەنجايى دا قازاقستاننان جىراقتا, اقش-تىڭ نەۆادا شتاتىندا تٸركەلگەن
"Jysan Holding" ٶز كەزەگٸندە "New Generation Foundation" قورىنا قارايدى. بۇل قور ٶتكەندە عانا "NU (Nazarbayev University) Generation" دەپ اتالاتىن.
نازارباەۆتىڭ اتىن جۋسانعا قاتىستى بارلىق جەردەن الىپ تاستاۋ وپەراتسيياسى اياسىندا قوردىڭ اتى ٶزگەردٸ, ونىڭ باسشىلىعىنان قازاقستان ازاماتتارى, كەزٸندە نازارباەۆتىڭ جانىندا جٷرگەن كٶمەكشٸلەرٸ ەربول ورىنباەۆ, اسلان سەرٸنجٸپوۆ, رٷستەم حامزين, ەۆگەنيي پان تٷگەل كەتتٸ. ونىڭ ورنىنا باسقارماعا امەريكان لوببيستەرٸ كەلدٸ. 2000 جىلدارى بٸزدە بٸلٸم جەنە عىلىم مينيسترٸ بولعان نۇرالى بەكتۇرعانوۆ قانا قالدى. بٸراق ول دا اقش ازاماتى", - دەپ جازادى وسى ورايدا DALA INSIDE.
بۇل جايتتان سەكەم العان بريتان باسىلىمدارى:
"Jusan نازارباەۆقا تيەسٸلٸ 7,3 ملرد دوللاردى سۇق كٶزدەن ساقتاۋ ٷشٸن قۇرىلعان. حولدينگ ەكس-پرەزيدەنتتٸڭ بريتان جەرٸندەگٸ ساندىعى سىندى. قازاقستاننىڭ قازبا بايلىعىن وڭدى-سولدى ساتىپ, شاش ەتەكتەن پايداعا كەنەلگەن ەۋلەتتٸڭ اكتيۆٸ وسى ساندىقتا "سٷرلەنٸپ" جاتىر" دەپ مەلٸم ەتكەن.
نازارباەۆتاردىڭ بيزنەس-يمپەريياسىن ەشكەرەلەگەن ماتەريالدىڭ سوڭى جانجالعا ۇلاسىپ, Jusan-نىڭ سوتقا شاعىمدانۋىنا الىپ كەلگەن.
داۋلى ٸستٸڭ العاشقى راۋندى حولدينگتٸڭ جەڭٸسٸمەن اياقتالدى. سۋديا جەرەمي جونسون بريتاندىق باسىلىمداردىڭ اقپاراتى «ايىپتاۋ سارىنىندا جازىلعان» (تراكتوۆكاسى) دەگەن حولدينگ ٶكٸلدەرٸنٸڭ سٶزٸن سٶيلەپ كەتتٸ.
ٶز كەزەگٸندە The Telegraph پەن openDemocracy Jusan-نىڭ ەرەكەتٸن سٶز بوستاندىعىن شەكتەۋ دەپ باعالاپ, ماقالاداعى نازارباەۆقا قاتىستى فاكتٸلەردٸ الىپ تاستاۋدان باس تارتتى. بۇل نازارباەۆتارمەن بايلانىستى دەلٸنگەن حولدينگتٸڭ تٷپكٸلٸكتٸ جەڭٸسٸ ەمەس. بريتان باسىلىمدارى اقىرىنا دەيٸن ارپالىسۋعا دايىن وتىر.
