جويقىن داۋىلدان زارداپ شەككەن پاۆلودار وبلىسىنداعى اقسۋ قالاسىن قالپىنا كەلتٸرۋگە 814 ملن تەڭگە قاجەت, دەپ حابارلايدى Dalanews.kz.
اقسۋداعى جويقىن داۋىلدان كەيٸن بٸلٸم بەرۋ, دەنساۋلىق ساقتاۋ, مەدەنيەت, سپورت نىساندارى مەن كٶپقاباتتى تۇرعىن ٷيلەر, سونداي-اق ەلەكتر جەلٸلەرٸ قايتا قالپىنا كەلتٸرٸلمەك.
"443 كٶشە جارىعى باعاناسى مەن 30 ەلەكتر باعاناسى زاقىمدانعان. سونىڭ ٸشٸندە 397 باعانا تٷزەتۋدٸ, ال 76-سى تولىق اۋىستىرۋدى قاجەت ەتەدٸ. سونىمەن قاتار 213 شام, 29 ٸرگەتاس اۋىستىرىلۋى تيٸس. قازٸرگٸ جاعداي بويىنشا 260 باعانا تٷزەتٸلٸپ, 15-ٸ تولىق الىنىپ تاستالدى. بۇل جۇمىستارعا 101,4 ميلليون تەڭگە قاجەت", – دەپ حابارلادى اقسۋ قالاسىنىڭ ەكٸمدٸگٸ.
بۇدان بٶلەك, №10 ٶرت سٶندٸرۋ بٶلٸمٸ, قالالىق سوت, پروكۋراتۋرا جەنە مەملەكەتتٸك كٸرٸستەر باسقارماسىنىڭ عيماراتتارىن دا قالپىنا كەلتٸرۋ جوسپارلانىپ وتىر. جالپى شىعىن كٶلەمٸ – 814,2 ميلليون تەڭگە.
ەسكە سالايىق, 19 ماۋسىم كٷنٸ كەشكٸگە تامان جويقىن داۋىل پاۆلودار وبلىسىن شارپىدى. داۋىلدى جەلدٸڭ سالدارىنان اۆتوبۋس ايالدامالارى مەن بالالار الاڭدارى زاقىمدانىپ, ونداعان اعاش قۇلاپ, سىنىپ تٷستٸ. قۇلاعان اعاشتار جول جيەگٸندە تۇرعان كٶلٸكتەردٸ باسىپ قالىپ, بٸرنەشەۋٸن بٷلدٸرٸپ كەتكەن.
