Joiqyn daýyldan zardap shekken Pavlodar oblysyndaǵy Aqsý qalasyn qalpyna keltirýge 814 mln teńge qajet, dep habarlaidy Dalanews.kz.
Aqsýdaǵy joiqyn daýyldan keiin bilim berý, densaýlyq saqtaý, mádeniet, sport nysandary men kópqabatty turǵyn úiler, sondai-aq elektr jelileri qaita qalpyna keltirilmek.
"443 kóshe jaryǵy baǵanasy men 30 elektr baǵanasy zaqymdanǵan. Sonyń ishinde 397 baǵana túzetýdi, al 76-sy tolyq aýystyrýdy qajet etedi. Sonymen qatar 213 sham, 29 irgetas aýystyrylýy tiis. Qazirgi jaǵdai boiynsha 260 baǵana túzetilip, 15-i tolyq alynyp tastaldy. Bul jumystarǵa 101,4 million teńge qajet", – dep habarlady Aqsý qalasynyń ákimdigi.
Budan bólek, №10 órt sóndirý bólimi, qalalyq sot, prokýratýra jáne memlekettik kirister basqarmasynyń ǵimarattaryn da qalpyna keltirý josparlanyp otyr. Jalpy shyǵyn kólemi – 814,2 million teńge.
Eske salaiyq, 19 maýsym kúni keshkige taman joiqyn daýyl Pavlodar oblysyn sharpydy. Daýyldy jeldiń saldarynan avtobýs aialdamalary men balalar alańdary zaqymdanyp, ondaǵan aǵash qulap, synyp tústi. Qulaǵan aǵashtar jol jieginde turǵan kólikterdi basyp qalyp, birnesheýin búldirip ketken.
